పాన్ ఇండియా సెన్సేన్ ప్రభాస్, టాలెంటెడ్ డైరెక్ట‌ర్ నాగ్ అశ్విన్ కాంబినేష‌న్ లో తెర‌కెక్కిన `క‌ల్కి 2898 ఏడీ` చిత్రం జూన్ 27న ప్రంప‌చ‌వ్యాప్తంగా తెలుగు, త‌మిళ్‌, క‌న్న‌డ, మ‌ల‌యాళ మ‌రియు హిందీ భాష‌ల్లో విడుద‌లైన సంగ‌తి తెలిసిందే. ఈ మైథాల‌జీ సైన్ ఫిక్ష‌న్ యాక్ష‌న్ ఫిల్మ్ మొద‌టి ఆట నుంచే పాజిటివ్ టాక్ ను సొంతం చేసుకుని బాక్సాఫీస్ వ‌ద్ద క‌లెక్ష‌న్ల వ‌ర్షాన్ని కురిపిస్తోంది. ఇండియాలోనే కాకుండా విదేశాల్లో సైతం దుమ్ము దుమారం రేపుతోంది.
తాజాగా క‌ల్కి మూవీ మూడు రోజుల క‌లెక్ష‌న్స్ లెక్క‌లు బ‌య‌ట‌కు వ‌చ్చాయి. విడుద‌లైన 3వ రోజు తెలుగు రాష్ట్రాల్లో రూ. 19.83 కోట్ల రేంజ్ లో షేర్ ని అందుకున్న ఈ సినిమా.. ప్ర‌పంచ‌వ్యాప్తంగా రూ. 51.08 కోట్ల రేంజ్ లో షేర్, రూ. 101 కోట్ల గ్రాస్ మార్క్ ను టచ్ చేసింది. అలాగే మొత్తం మూడు రోజుల క‌లెక్ష‌న్స్ ను ప‌రిశీలిస్తే.. ఇప్ప‌టివ‌ర‌కు తెలుగు రాష్ట్రాల్లో క‌ల్కి చిత్రం రూ. 84.69 కోట్ల షేర్, రూ. 132.30 కోట్ల గ్రాస్ ను సొంతం చేసుకుంది.
వ‌ర‌ల్డ్ వైడ్ గా మూడు రోజుల్లో రూ. 198.04 కోట్ల షేర్, రూ. 380.70 కోట్ల గ్రాస్ వ‌సూళ్ల‌ను రాబ‌ట్టింది. క‌ల్కి సినిమా బ్రేక్ ఈవెన్ టార్గెట్ రూ. 372 కోట్ల రేంజ్ లో ఉంది. అయితే విడుద‌లైన 3 డేస్ లోనే ఏకంగా రూ. 198.04 కోట్లు రిక‌వ‌రీ చేసేశారు. ఇంకా రూ. 173.56 కోట్ల రేంజ్ లో షేర్ వ‌స్తే క‌ల్కి చిత్రం బాక్సాఫీస్ వ‌ద్ద క్లీన్ హిట్ అవుతుంది. ఎలాగో టాక్ అనుకూలంగా ఉంది కాబ‌ట్టి.. ఆ టార్గెట్ ను ప్రభాస్ సుల‌భంగా రీచ్ అవుతాడ‌ని సినీ విశ్లేష‌కులు అభిప్రాయ‌ప‌డుతున్నారు.
