రాజకీయ భిక్ష పెట్టాం.. వదిలిపెట్టం! నోరు విప్పితే బూతులు..ఏం చేయాలో తేల్చండి!

గుడివాడ బూతుల మంత్రి, బూతు చరిత్ర – @ncbn#CBNinGudivada#IdhemKarmaManaRashtraniki #PsychoPovaliCycleRavali #JaganPaniAyipoyindhi pic.twitter.com/LygiKSYAKQ

— Telugu Desam Party (@JaiTDP) April 14, 2023

ఏ చిన్న ఛాన్సు దొరికినా టీడీపీ అధినేత.. ఏపీ విపక్ష నేత చంద్రబాబుపై తీవ్రస్థాయిలో విరుచుకుపడే వైసీపీ ఫైర్ బ్రాండ్ నేతల్లో మాజీ మంత్రి కొడాలి నాని ముందుంటారు. నోటికి వచ్చినట్లుగా తిట్టేసే అలవాటున్న ఆయన.. చంద్రబాబు మీదా.. ఆయన కుటుంబం మీదా సంచలన వ్యాఖ్యలే కాదు.. షాకింగ్ ఆరోపణలు చేశారు. ఆయన ప్రాతినిధ్యం వహిస్తున్న గుడివాడ అసెంబ్లీ నియోజకవర్గానికి విచ్చేసిన చంద్రబాబు.. రోడ్ షోతో పాటు.. బహిరంగ సభలో మాట్లాడారు. ఈ సందర్భంగా కొడాలి నాని పేరును ప్రస్తావించకుండా.. ఆయనపై నిప్పులు చెరిగారు.

ప్రతి సందర్భంలోనూ తన మాటలతో వార్నింగ్ ఇచ్చిన వైనం ఆసక్తికరంగా మారింది. ‘అతన్ని వదిలిపెట్టేది లేదు’ అంటూ స్పష్టం చేస్తూ.. గుడివాడను పేకాట క్లబ్బులుగా మార్చారన్నారు. మహనీయుడు ఎన్టీఆర్ నడియాడిన నేలను.. అలాంటి గడ్డను అరాచకాలకు అడ్డాగా మార్చారన్నారు. ‘బూతుల ఎమ్మెల్యే తులసి వనంలో గంజాయి మొక్కలా తయారయ్యాడు. రాజకీయ భిక్ష పెట్టాం. ఇప్పుడు చరిత్ర హీనులుగా మారారు. అలాంటి వారిని వదిలిపెట్టే ప్రసక్తే లేదు. ఎన్టీఆర్ గెలిచిన గుడివాడను పేకాట క్లబ్బులుగా మార్చారు.క్యాసినోలు తెచ్చారు. క్యాబరేలు చేయించారు. భూకబ్జాలు.. ఇసుక మాఫియా.. మట్టి మాఫియా.. అన్నీఅరాచకాలే’ అని మండిపడ్డారు.

డెవలప్ మెంట్ లేదు కానీ నోరు విప్పితే బూతులే అన్న చంద్రబాబు.. ‘‘అలాంటి వ్యక్తిని ఏం చేయాలో మీరే తేల్చండి’’ అంటూ ఘాటుగా రియాక్టు అయ్యారు. కొడాలి నానిపై చంద్రబాబు ఏ రీతిలో రియాక్టు అవుతారు? అన్న ఆసక్తి వ్యక్తం కాగా.. పేరు ప్రస్తావించకుండా ఫైర్ అయిన తీరుకు కొడాలి నాని ఎలా స్పందిస్తారో చూడాలి.

pic.twitter.com/EFl8fhxai2

— ???? (@TEAM_CBN1) April 13, 2023

డోన్ నియోజకవర్గంలో #YuvaGalamPadayatra ???????? pic.twitter.com/V1koCihHBI

— iTDP Official (@iTDP_Official) April 13, 2023