ఫిల్మ్ ఇండస్ట్రీలో ఒక హీరో తన సినిమాల్లో హీరోయిన్ ను రిపీట్ చేస్తూ ఉన్నాడంటే ఆ ఇద్దరికీ మధ్య ఏదో నడుస్తుందంటూ రూమర్లు అల్లేయడం కొత్తేమి కాదు. ఇటువంటి పుకార్లను కొందరు నటులు తీవ్రంగా ఖండిస్తే.. మరి కొందరు అస్సలు పట్టించుకోరు. తమ పని తాము చూసుకుంటారు. గతంలో అక్కినేని మన్మధుడు నాగార్జున మరియు స్టార్ బ్యూటీ అనుష్క శెట్టిపై కూడా రూమర్లు వచ్చాయి. నాగార్జున నటించిన సూపర్ మూవీ తోనే అనుష్క సినీ పరిశ్రమకు పరిచయమైంది.
ఆ తర్వాత వీరిద్దరూ డమరుకం, డాన్, రగడ, ఓం నమో వెంకటేశాయ వంటి చిత్రాల్లో నటించారు. అలాగే నాగార్జున నటించిన ఊపిరి, కింగ్ సినిమాల్లో అనుష్క అతిథి పాత్రలో మెరిసింది. స్వీటీ యాక్ట్ చేసిన సైజ్ జీరో లో నాగార్జున గెస్ట్ గా మెరిశారు. అయితే మీరిద్దరూ పలుమార్లు స్క్రీన్ షేర్ చేసుకోవడంతో అనుష్కతో నాగార్జున సీక్రెట్ ఎఫైర్ నడుపుతున్నారని పెద్ద ఎత్తున వార్తలు వచ్చాయి. అందుకే అనుష్కను తన సినిమాల్లో నాగార్జున రిపీట్ చేస్తున్నారని గతంలో ప్రచారం జరిగింది. ఇటువంటి వార్తలపై అనుష్క ఏనాడు స్పందించ‌లేదు.
అయితే ఇటీవల ఇంటర్వ్యూలో నాగార్జున రియాక్ట్ అయ్యారు. అనుష్కతో ఎఫైర్ రూమర్లు ఆయన తీవ్రంగా వ్యతిరేకించారు. అలాగే అనుష్కను తన సినిమాల్లో రిపీట్ చేయడానికి కారణమేంటో కూడా నాగార్జున వివరించారు. `స్వతహాగా నేను హైట్ గా ఉంటాను.. అందువల్ల స్క్రీన్ పై నా పక్కన పొట్టిగా ఉన్న అమ్మాయిల కంటే పొడుగ్గా ఉన్న అమ్మాయిలే బాగా సెట్ అవుతారు. అందుకే దర్శక నిర్మాతలకు పొడుగ్గా ఉండే హీరోయిన్లను తీసుకొని రికమెండ్ చేస్తుంటాను. అందుకే టాల్‌గా ఉండే అనుష్కను రిపీట్ చేసేవారు` అని నాగార్జున పేర్కొన్నారు.
