సమంత రూత్ ప్రభు…‘ఏం మాయ చేశావె’ సినిమాతో టాలీవడ్ లోకి ఎంట్రీ ఇచ్చిన ఈ క్యూటీ బ్యూటీ…అతి కొద్ది కాలంలోనే స్టార్ హీరోయిన్ గా ఎదిగింది. కుర్రాళ్ల మనసును మాయ చేసిన సామ్…విభిన్న పాత్రలతో సౌత్ ఇండస్ట్రీతోపాటు నార్త్ లోనూ తనదైన ముద్ర వేసింది. అంతేకాదు, అంతర్జాతీయ స్థాయిలోనూ సత్తా చాటేందుకు సామ్ రెడీ అవుతోంది. మొన్న మొన్ననే ఏం మాయ చేశావెతో సినీ రంగంలోకి అడుగుపెట్టినట్లు కనిపిస్తోన్న సామ్…సినీరంగంలో 12 సంవత్సరాల ప్రయాణాన్ని పూర్తి చేసుకుంది.
ఈ సందర్భంగా తన 12 ఏళ్ల తన ఫిల్మ్ జర్నీని గుర్తు చేసుకుంటూ సమంత చేసిన ట్వీట్ వైరల్ అయింది. ‘ఫిల్మ్ ఇండస్ట్రీలో 12 సంవత్సరాలు పూర్తి చేసుకున్నాను. ఈ రోజు ఉదయం నిద్ర లేవగానే… లైట్, కెమెరా, యాక్షన్ ఇలా సాటిలేని క్షణాల చుట్టూ తిరిగే 12 సంవత్సరాల జ్ఞాపకాలు గుర్తుకు వచ్చాయి. ప్రపంచంలోనే అత్యుత్తమమైన, అత్యంత నమ్మకమైన అభిమానులను కలిగి ఉన్నాను. వారందరికీ రుణపడి ఉన్నాను. సినిమాతో నా ప్రేమ కథ ఎప్పటికీ ముగియదు’ అంటూ సామ్ పెట్టిన ఎమోషనల్ పోస్ట్ వైరల్ అయింది.
సామ్ నటిస్తున్న ఫస్ట్ పాన్ ఇండియా చిత్రం `యశోద` మూవీ సెట్‌లో సమంత 12 ఏళ్ల జర్నీని సెలబ్రేట్‌ చేశారు. కేక్ కట్ చేసి సమంత జర్నీని గుర్తు చేసుకున్నారు. నిర్మాత శివలెంక కృష్ణ ప్రసాద్‌, దర్శకుడు హరి శంకర్‌, ఇతర చిత్ర టీమ్‌ ఈ సెలబ్రేషన్స్ లో పాల్గొంది. సమంతతో కేక్ కట్ చేయించి న చిత్ర యూనిట్ సభ్యులు ఆమెకు శుభాకాంక్షలు తెలిపారు. వీరితోపాటు పలువురు టాలీవుడ్, కోలీవుడ్ సినీ ప్రముఖులు సమంతకు శుభాకాంక్షలు తెలుపుతున్నారు.
సినిమాల్లోకి రాకముందు ఫంక్షన్లు, ఈవెంట్లలో వెల్‌కమ్‌ గర్ల్ గా పనిచేసిన సమంత…స్టార్ హీరోయిన్ గా ఎదగడానికి ఎంతో కష్టపడింది. రోజుకి 5 వందల రూపాయలు అందుకునే స్థాయి నుంచి కోట్లలో రెమ్యున్ రేషన్ తీసుకునే స్థాయికి ఎదిగిన సమంత అప్ కమింగ్ నటీనటులకు ఎంతో ఆదర్శమని చెప్పవచ్చు.
