ఇండియన్ ఫిల్మ్ ఇండస్ట్రీలో మోస్ట్ హ్యాండ్సమ్ హీరోల లిస్ట్ తీస్తే టాలీవుడ్ సూపర్ స్టార్ మహేష్ బాబు ముందు వరుసలో ఉంటారు అనడంలో ఎటువంటి సందేహం లేదు. కృష్ణ వారసత్వాన్ని కొనసాగిస్తూ ఇండస్ట్రీలోకి అడుగుపెట్టిన మహేష్.. తండ్రికి తగ్గ తనయుడిగా పేరు తెచ్చుకున్నారు. కోట్లాది మంది ప్రేక్ష‌కుల‌నే కాదు ప‌లువురు సినీ తార‌ల‌ను సైతం త‌న‌కు అభిమానులుగా మార్చుకున్నారు. ఇప్పుడు మహేష్ బాబు బాటలోనే ఆయన కూతురు సితార ఘట్టమనేని కూడా హీరోయిన్ గా సినీ రంగ ప్రవేశం చేసేందుకు తహతహలాడుతుంది.
చిన్నవయసులోనే యాక్టింగ్, డ్యాన్సుల్లో శిక్ష తీసుకుంటోంది. అలాగే గ్లామర్ పరంగా సితారకు వంక పెట్టే పనే లేదు. అయితే సితారకు పోటీ ఇచ్చేందుకు సిద్ధమవుతోంది మహేష్ బాబు మేనకోడలు జాహ్నవి స్వరూప్. మహేష్ బాబుకు పద్మావతి, మంజుల అనే ఇతర అక్కలతో పాటు ప్రియదర్శిని అనే చెల్లెలు ఉంది. వీరిలో మంజుల న‌టిగా, నిర్మాతగా తెలుగు సినీ పిల్లలకు సుపరిచితమే.
నటుడు మరియు దర్శక నిర్మాత అయిన సంజయ్ స్వరూప్ ను మంజుల వివాహం చేసుకున్నారు. ఈ దంపతులకు జన్మించిన ఏకైక కుమార్తె జాహ్నవి. అందమే అసూయ పడేంత అందంగా జాహ్నవి ఉంటుంది. మంజుల అప్పుడప్పుడు తన ఇన్‌స్టాగ్రామ్ ద్వారా కూతురు ఫోటోలు షేర్ చేస్తుంటుంది.
ప్రస్తుతం టీనేజ్ లో ఉన్న జాహ్నవి స్టడీస్ కంప్లీట్ చేసే పనిలో ఉంది. భారీ సినీ బ్యాక్ గ్రౌండ్, దానికి తోడు తల్లిదండ్రులు ఇద్దరూ ఇండస్ట్రీలోనే ఉండడంతో జాహ్నవి హీరోయిన్ గా ఎంట్రీ ఇచ్చే అవకాశాలు పుష్కలంగా కనిపిస్తున్నాయి. ఒకవేళ అదే జ‌రిగితే స్థితారకు జాహ్నవి నుంచి గట్టి పోటీ తప్పదనే చెప్పొచ్చు.
