ఏపీ సీఎం, టీడీపీ అధినేత నారా చంద్రబాబు అరుదైన ఘ‌న‌త సాధించారు. నాలుగోసారి ముఖ్య‌మంత్రిగా బాధ్య‌త‌లు చేప‌ట్టిన రెండు నెల‌ల్లోనే దేశంలో అత్యంత జనాదరణ కలిగిన టాప్-5 సీఎంల జాబితాలో చోటు ద‌క్కించుకున్నారు. ఇండియా టుడే- సీ ఓటర్ నిర్వ‌హించిన స‌ర్వేలో ఈ విష‌యం వెల్లడైంది. ఈ స‌ర్వే ఫ‌లితాల‌ను ఇండియా టుడే గురువారం విడుద‌ల చేసింది.
`మూడ్ ఆఫ్ ది నేషన్` పేరుతో ఇండియా వైడ్ గా భారీ జనాదరణ కలిగిన టాప్-5 ముఖ్యమంత్రుల జాబితాలో ఉత్తరప్రదేశ్ ముఖ్యమంత్రి యోగి ఆదిత్యనాథ్ అగ్ర స్థానాన్ని సంపాదించుకున్నారు. రెండో స్థానంలో ఢిల్లీ సీఎం అరవింద్ కేజ్రీవాల్ నిలిస్తే.. మూడో స్థానాన్ని పశ్చిమ బెంగాల్ సీఎం మమతా బెనర్జీ ఉన్నారు. అలాగే నాలుగో స్థానాన్ని తమిళనాడు ముఖ్యమంత్రి స్టాలిన్.. ఐదో స్థానాన్ని ఏపీ సీఎం చంద్రబాబు నాయుడు సొంతం చేసుకున్నారు. దీంతో టీడీపీ శ్రేణులు మ‌రియు అభిమానులు చంద్ర‌బాబుకు ప్ర‌త్యేకంగా అభినంద‌న‌లు తెలుపుతున్నారు.
