తెలుగు చ‌ల‌న చిత్ర ప‌రిశ్ర‌మ‌లో నంద‌మూరి ఫ్యామిలీకి ఒక ప్ర‌త్యేక‌మైన స్థానం ఉంది. ఇప్ప‌టి వరకు ఆ కుటుంబం నుంచి మూడు త‌రాల హీరోలు త‌మ స‌త్తా ఏంటో చూపించారు. అయితే ఇప్పుడు నంద‌మూరి నాలుగో త‌రం కూడా ఇండ‌స్ట్రీలోకి అడుగుపెట్టేందుకు సిద్ధ‌మైంది. హరికృష్ణ మ‌న‌వ‌డు, జానకిరామ్ కుమారుడు తార‌క రామారావును టాలీవుడ్ కు హీరోగా ప‌రిచ‌యం చేస్తూ ప్ర‌ముఖ ద‌ర్శ‌కుడు వైవీఎస్ చౌద‌రి ఓ సినిమాను తెర‌కెక్కించ‌బోతున్నాడు.
న్యూ టాలెంట్ రోల్స్ బ్యాన‌ర్ పై నిర్మితం కానున్న ఈ చిత్రానికి కీరవాణి సంగీతం అందిస్తున్నారు. అలాగే తెలుగమ్మాయి వీణ రావ్ హీరోయిన్‌గా సెలక్ట్ అవ్వ‌గా.. యలమంచిలి గీత నిర్మాత‌గా వ్య‌వ‌హ‌రిస్తున్నారు. దీపావ‌ళి కానుక‌గా డైరెక్ట‌ర్ వైవీఎస్ చౌద‌రి తాజాగా నంద‌మూరి నాలుగో త‌రం న‌ట‌వార‌సుడి ఫ‌స్ట్ లుక్ ను విడుద‌ల చేశారు.
పవర్ ఫుల్ లుక్స్ మ‌రియు బేస్ వాయిస్ తో యంగ్ చాప్ తార‌క రామారావు అంద‌ర్నీ ఆక‌ట్టుకుంటున్నాడు. మ‌రోవైపు బాబాయ్‌లు ఎన్టీఆర్, క‌ళ్యాణ్ రామ్‌లు అత‌నికి సోష‌ల్ మీడియా వేదిక‌గా బెస్ట్ విసెస్ తెలిపారు. `రామ్ మొదటి దశకు ఆల్ ది బెస్ట్. సినిమా ప్ర‌పంచం మీకు లెక్క‌లేన‌న్ని ఆనంద‌క్ష‌ణాల‌ను అంద‌జేస్తుంది. మీకు అన్ని విజ‌యాలే ద‌క్కాలి. మీ ముత్తాత ఎన్టీఆర్ గారు, తాతగారు హరికృష్ణ గారు, నాన్న జానకిరామ్ అన్నల ప్రేమ, ఆశీస్సులతో మీరు ఉన్నత శిఖరాలకు చేరుకుంటారన్న నమ్మకం నాకుంది. షైన్ ఆన్ మై బాయ్‌పై` అంటూ ఎన్టీఆర్ ట్వీట్ చేశాడు.
