`నాయుడుగారి తాలూకా` అంటున్న నాని.. ఏంటి సంగ‌తి..?

న్యాచుర‌ల్ స్టార్ నాని కెరీర్ ప‌రంగా ఫుల్ స్వింగ్ లో దూసుకుపోతున్నాడు. ద‌స‌రా, హాయ్ నాన్న‌, సరిపోదా శనివారం చిత్రాల‌తో బ్యాక్ టు బ్యాక్ విజ‌యాలు అందుకున్న నాని.. ప్ర‌స్తుతం శైలేష్ కొల‌ను ద‌ర్శ‌క‌త్వంలో `హిట్: ది థర్డ్ కేస్` మూవీ చేస్తున్నారు. హిట్ 3 సెట్స్ మీద ఉండ‌గానే.. యంగ్ అండ్ టాలెంటెడ్ డైరెక్ట‌ర్ శ్రీ‌కాంత్ ఓదెల‌తో నాని ఓ సినిమాను ప్ర‌క‌టించారు. ఆల్రెడీ వీరిద్ద‌రి కాంబినేష‌న్ లో వ‌చ్చిన ద‌స‌రా పాన్ ఇండియా స్థాయిలో మోత మోగించింది.

ఇప్పుడు మ‌రోసారి శ్రీ‌కాంత్ ఓదెల‌తో క‌లిసి నాని వ‌ర్క్ చేయ‌బోతున్నాడు. `నాని ఓదెల 2` వ‌ర్కింగ్ టైటిల్ తో ద‌స‌రా పండుగ రోజు ఈ చిత్రం ప్రారంభ‌మైంది. అనిరుధ్ రవిచందర్ మ్యూజిక్ డైరెక్టర్ గా ఖ‌రారు అయ్యాడు. ఎస్‍ఎల్‍వీ సినిమాస్ పతాకంపై సుధాకర్ చెరుకూరి నిర్మించ‌నున్న‌ ఈ పాన్ ఇండియా చిత్రానికి `నాయుడుగారి తాలూకా` అనే టైటిల్ ను ప‌రిశీలిస్తున్నారట‌.

కొత్త‌గా, డిఫరెంట్ గా ఉండ‌టంతో నానికి కూడా టైటిల్ బాగా న‌చ్చింద‌ట‌. అందువ‌ల్ల `నాని ఓదెల 2` ప్రాజెక్ట్ కు నాయుడుగారి తాలూకా అనే టైటిల్ పెట్టే ఆలోచనలో మేకర్స్ ఉన్నార‌ని నెట్టింట జోరుగా ప్ర‌చారం జ‌రుగుతోంది. ఇక‌పోతే ఈ సినిమాలో నానికి జోడిగా జాన్వీ క‌పూర్ ను ఎంపిక చేసిన‌ట్లు వార్త‌లు వ‌చ్చాయి. కానీ ఇప్పుడు మ‌రో బ్యూటీ పేరు తెర‌పైకి వ‌చ్చింది. ఇటీవ‌ల స్త్రీ 2 మూవీతో బాలీవుడ్ బాక్సాఫీస్ ను షేక్ చేసిన శ్రద్ధా కపూర్ తో డైరెక్ట‌ర్ శ్రీ‌కాంత్ సంప్ర‌దింపులు జ‌రుపుతున్నార‌ట‌. ఆమె గ్రీన్ సిగ్న‌ల్ ఇస్తే.. నాని సినిమాలో హీరోయిన్ శ్ర‌ద్ధానే అని అంటున్నారు.