సినీ నటిగా సుపరిచితులైన సీనియర్ నటి ఖుష్భూ ఆస్తిపాస్తుల లెక్క ఇప్పటి వరకుబయటకు రాలేదు. గడిచిన కొంతకాలంగా ప్రజాజీవితంలో ఉన్న ఆమె.. తాజాగా బీజేపీ అభ్యర్థిగా థౌజండ్ లైట్స్ నియోజకవర్గం నుంచి బరిలోకి దిగారు. ఈ సందర్భంగా ఆమె నామినేషన్ దాఖలు చేశారు. అందులో తనకు సంబంధించిన అన్ని వివరాల్ని వెల్లడించారు. దీంతో.. ఖుష్బూ ఆస్తిపాస్తులతో పాటు.. ఇతర వివరాలు బయటకు వచ్చాయి.
ఎనిమిదో తరగతి వరకు మాత్రమే చదివిన ఆమెకు మొత్తం రూ.40.96 కోట్ల ఆస్తి ఉన్నట్లుగా పేర్కొన్నారు. తన వద్ద 8.5 కేజీల బంగారం.. 78 కేజీల వెండి ఉన్నట్లుగా పేర్కొన్నారు. అంతేకాదు రూ.6.39 కోట్ల చరాస్తులు ఉన్నాయని.. స్థిరాస్తుల విలువ రూ.34.56 కోట్లుగా తేల్చారు.
తన భర్త వద్ద కూడా 495 గ్రాముల బంగారం.. తొమ్మిది కేజీల వెండి ఉన్నట్లుగా వెల్లడించారు. తన వార్షిక ఆదాయం రూ.1.5కోట్లుగా పేర్కొన్నారు. బంగారం.. వెండి భారీగా ఉండటం ఆసక్తికరంగా మారింది.
