సౌత్ ఫిల్మ్ ఇండస్ట్రీలో ఉన్న మోస్ట్ వాంటెడ్ హీరోయిన్స్ లిస్ట్ లో కీర్తి సురేష్ ఒకటి. ఈ బ్యూటీ సౌత్ లోనే కాకుండా నార్త్ లో కూడా సినిమాలు చేస్తోంది. ప్రస్తుతం కీర్తి తన అప్ కమింగ్ ఫిల్మ్ `రఘుతాత` ప్రమోషన్స్ లో బిజీగా ఉంది. కేజీఎఫ్‌, సలార్‌, కాంతార వంటి భారీ బడ్జెట్‌ యాక్షన్‌ చిత్రాలను ప్రేక్ష‌కుల‌కు ప‌రిచ‌యం చేసిన హోంబలే నిర్మాణ సంస్థ రఘుతాత మూవీని కూడా నిర్మించింది.
సుమన్ కుమార్ డైరెక్ట్ చేసిన ఈ సినిమాలో కీర్తి సురేష్ ప్ర‌ధాన పాత్ర‌లో న‌టించింది. ఆగస్టు 15న రఘుతాత రిలీజ్ కాబోతోంది. రీసెంట్ గా బయటకు వచ్చిన ట్రైలర్ సినిమాపై మంచి అంచనాలను క్రియేట్ చేసింది. ప్రమోషన్స్ తో మరింత హైప్ పెంచుతున్నారు. ఇకపోతే తాజాగా ఓ ఇంటర్వ్యూలో పాల్గొన్న కీర్తి సురేష్.. రఘుతాత మూవీ గురించి ఎన్నో విశేషాలను పంచుకుంది.
ఈ క్రమంలోనే తన మనసులో ఉన్న ఒక కోరికను బయటపెట్టింది. కోలీవుడ్ స్టార్ హీరోల్లో ఒక‌రైన శింబు అంటే త‌న‌కు ఎంతో ఇష్ట‌మ‌ని.. ఆయ‌నతో ఒక్క‌సారైనా యాక్ట్ చేయాల‌నుంద‌ని కీర్తి సురేష్ వెల్ల‌డించింది. అలాగే శింబుతో ఒకటి రెండు సార్లు ఫోన్ కాల్ లో మాట్లాడినట్లు కూడా కీర్తి తెలిపింది. మ‌రి శింబుతో న‌టించాల‌న్న కీర్తి కోరిక నెర‌వేరుతుందా..లేదా.. అన్న‌ది చూడాలి. కాగా, ప్రస్తుతం కీర్తి సురేష్ త‌మిళంలో రివాల్వర్ రీటా, కన్నివేది సినిమాలు చేస్తోంది. అలాగే బాలీవుడ్ లో వరుణ్ ధావన్ తో క‌లిసి బేబీ జాన్ లో యాక్ట్ చేసింది. డిసెంబ‌ర్ లో ఈ చిత్రం విడుద‌ల కానుంది. బాలీవుడ్ లో ఇదే కీర్తి డెబ్యూ ప్రాజెక్ట్ కావ‌డం విశేషం.
