శిల్పా శెట్టి భ‌ర్త, వ్యాపార‌వేత్త రాజ్ కుంద్రా అరెస్టు వ్య‌వ‌హారం గ‌త కొన్ని రోజులుగా మీడియాలో.. సామాజిక మాధ్య‌మాల్లో చ‌ర్చ‌నీయాంశం అవుతున్న సంగ‌తి తెలిసిందే. పోర్న్ సినిమాలు రూపొందించ‌డంతో పాటు వాటిని కొన్ని మొబైల్ యాప్స్ ద్వారా స్ట్రీమ్ చేయించి కోట్లు గ‌డిస్తున్నాడ‌న్న‌ది కుంద్రాపై ఆరోప‌ణ. ఇండియాలో పోర్న్ సినిమాలు తీయ‌డం నేర‌మ‌న్న సంగ‌తి తెలిసిందే. కుంద్రా స్థాయి వ్య‌క్తి ఈ పని చేసి అరెస్ట‌వ‌డం సంచ‌ల‌నం రేపింది.
మామూలుగా అయితే ఏమో కానీ.. అత‌ను ఒక బాలీవుడ్ స్టార్ హీరోయిన్ భ‌ర్త కావ‌డంతో మీడియా అటెన్ష‌న్ మొత్తం అత‌డిపైకి మ‌ళ్లింది. ఈ వ్య‌వ‌హారంతో శిల్పా శెట్టి ప్ర‌తిష్ఠ కూడా దెబ్బ తినింద‌న‌డంలో సందేహం లేదు. శిల్పా కొన్ని ఎండోర్స్‌మెంట్లు కోల్పోయింద‌ని.. ఆమె జ‌డ్జిగా వ్య‌వ‌హ‌రించే ఓ షో నుంచి కూడా త‌ప్పించార‌ని వార్త‌లొస్తున్న సంగ‌తి తెలిసిందే.
కాగా రాజ్ కుంద్రాపై ఆరోప‌ణ‌లు వ‌చ్చాక ముంబ‌యిలోని జుహులో ఉన్న అత‌డి ఇంటిపై ముంబ‌యి క్రైమ్ బ్రాంచ్ పోలీసులు రైడ్ జ‌రిపిన టైంలో శిల్పా తీవ్ర ఆవేద‌న‌కు, ఉద్వేగానికి గురైన‌ట్లు పోలీసు వ‌ర్గాలు వెల్ల‌డించాయి. పోర్న్ కంటెంట్ కోసం ఇంట్లో పోలీసులు సోదాలు జ‌ర‌ప‌డం చూసి శిల్పా బోరున ఏడ్చేసింద‌ట. అంతే కాక రాజ్ కుంద్రా మీద తీవ్ర ఆగ్ర‌హంతో కేక‌లు వేసింద‌ట. త‌న వ‌ల్ల కుటుంబ ప్ర‌తిష్ఠ దెబ్బ తింద‌ని.. సొసైటీలో తానెలా త‌లెత్తుకుని తిర‌గాల‌ని ఆమె ఆగ్ర‌హం వ్య‌క్తం చేసింద‌ట.
పూర్తిగా అదుపు త‌ప్పిన ఆమెను పోలీసులే నియంత్రించార‌ని.. ఆమె కొన్ని గంట‌ల త‌ర్వాత కానీ మామూలు మ‌నిషి కాలేద‌ని బాలీవుడ్ మీడియాలో వార్త‌లు హ‌ల్‌చ‌ల్ చేస్తున్నాయి. రైడ్‌లో పాల్గొన్న పోలీసులే మీడియాకు ఈ విష‌యం వెల్ల‌డించిన‌ట్లు తెలుస్తోంది. ప్ర‌స్తుతం కుంద్రా ఈ కేసుకు సంబంధించి రెండు వారాల పోలీసు క‌స్ట‌డీలో ఉన్నాడు. అత‌డిపై అభియోగాలు రుజువైతే ఏడేళ్ల దాకా జైలు శిక్ష ప‌డొచ్చ‌ని అంటున్నారు.
