టాలీవుడ్, కోలీవుడ్, మాలీవుడ్ లో హీరోయిన్ సాయి పల్లవికి ప్రత్యేకమైన గుర్తింపు ఉంది. కేవలం స్కిన్ షోనే నమ్ముకొని చాలామంది హీరోయిన్లు రాణిస్తోన్న ఈ జనరేషన్ లో తన అందం, అభినయంతో అలరిస్తోన్న ఈ తమిళమ్మాయికి దక్షిణాది చిత్ర పరిశ్రమలో ప్రత్యేకమైన గుర్తింపు ఉంది. ఈ అమ్మడి అందం, అభినయానికి యూత్ ‘ఫిదా’ అయిపోయారు. కేవలం తన టాలెంట్ నే నమ్ముకొని స్టార్ హీరోయిన్ గా ఎదిగిన సాయి పల్లవి తన క్యారెక్టర్ల ఎంపిక విషయంలోనూ చాలా జాగ్రత్తగా ఉంటూ కెరీర్ ను బిల్డ్ చేసుకుంది.
ఆన్ స్క్రీన్ పైన సింపుల్ గా ఉండే సాయి పల్లవి…ఆఫ్ స్క్రీన్ లోనూ అంతే సింపుల్ అని చాలా సార్లు ప్రూవ్ చేసింది. ఈ క్రమంలోనే అదే సింప్లిసిటీతో తాజాగా తన చెల్లెలి ఎంగేజ్మెంట్ సందడి చేసిందీ హైబ్రిడ్ పిల్ల. ప్రస్తుతం ఆ ఫొటోలు సోషల్ మీడియాలో వైరల్ గా మారాయి.
