ప్రిన్స్ మహేశ్ బాబు, పూజాహెగ్డే నటిస్తున్న చిత్రం గుంటూరు కారం. ఈ మూవీపై భారీ బజ్ నెలకొంది. వాస్తవానికి ఈ మూవీ ఆగస్టులో విడుదల కావాల్సి ఉన్నప్పటికీ.. దాన్ని 2024 జనవరిలో సంక్రాంతి పండుగ సందర్భంగా రిలీజ్ చేయాలన్న నిర్ణయాన్ని తీసుకోవటం తెలిసిందే. ఈ సినిమా మీద ఇండస్ట్రీలోనూ.. మీడియాలోనూ వస్తున్న నెగిటివ్ వార్తలు అన్ని ఇన్ని కావు. అందులో చాలా వరకు జంక్ ముచ్చట్లే తప్పించి.. అధికారికంగా నిర్దారించిన సమాచారం తక్కువనే చెప్పాలి.
ఈ సినిమాకు మహేశ్ జోడీగా పూజా హెగ్డేను తీసుకొని.. ఆ తర్వాత ఆమెను పక్కన పెట్టేసినట్లుగా వార్తలు వచ్చాయి. దీనిపై గుంటూరు కారం టీం స్పందించింది లేదు. అయితే.. బయట జరుగుతున్న ప్రచారానికి.. వాస్తవానికిమధ్య అంతరం పెరిగిపోతున్న వేళ.. ఈ చిత్ర నిర్మాత నాగవంశీ ఒక ప్రత్యేక ఇంటర్వ్యూలో బోలెడన్ని ఆసక్తికర విషయాల్ని వెల్లడించి.. అందరికి క్లారిటీ ఇచ్చేశారు.
గుంటూరు కారం మూవీని ఆగస్టులో రిలీజ్ చేద్దామనుకొని కూడా.. జనవరికి వాయిదా వేశాం. ఎట్టి పరిస్థితుల్లో జనవరి 12న సంక్రాంతికి థియేటర్లలో విడుదల కానుందని చెప్పారు. దీంతో.. షూట్ ను హడావుడి లేకుండా నెమ్మదిగా చేయాలనుకున్నట్లు చెప్పారు. ‘అయితే.. పూజా హెగ్డేకు మరో హిందీ మూవీలో యాక్టు చేయాల్సి వచ్చింది. డేట్స్ సర్దుబాటు కాకపోవటంతో ఆమెను రీప్లేస్ చేశాం’ అంటూ ఫుల్ క్లారిటీ ఇచ్చేశారు.
ఈ మాత్రానికే ఏదేదో ప్రచారం చేస్తున్నారంటూ విస్మయాన్నివ్యక్తం చేశారు. గుంటూరు కారంలో అభిమానులు ఏం కోరుకుంటారో.. అవన్నీఉంటాయన్న ఆయన.. తమ తదుపరి ప్రాజెక్టుల గురించిన వివరాల్నిషేర్ చేసుకున్నారు. గుంటూరు కారంలో పూజాహెగ్డే.. శ్రీలీలను ఎంపిక చేయటం తెలిసిందే. పూజా హెగ్డే స్థానంలో మీనాక్షి చౌదరిని ఎంపిక చేసినట్లు చెప్పారు.
విజయదేవరకొండతో తాము నిర్మిస్తున్న మూవీలోనూ శ్రీలీలే హీరోయిన్ గా చెప్పారు. రష్మికను ఎంపిక చేసినట్లు ప్రచారం జరుగుతున్నా అందులో నిజం లేదన్నారు. బాలయ్యతో బాబీ కాంబినేషన్ లో ఒక మూవీని.. వైష్ణవ్ తేజ్ తో ఆదికేశవ.. విశ్వక్ సేన్ తోగ్యాంగ్స్ ఆఫ్ గోదావరి.. సిద్ధు జొన్నలగడ్డతో టిల్లు స్క్రేర్ నిర్మిస్తున్న విషయాన్ని వెల్లడించిన ఆయన.. ఈ ప్రాజెక్టుల తర్వాత అల్లు అర్జున్.. త్రివిక్రమ్ కాంబోలో ఒక మూవీని.. తారక్ -త్రివిక్రమ్ కాంబినేషన్ లో మరో మూవీని నిర్మిస్తున్నట్లుగా చెప్పారు. వరుస ప్రాజెక్టులతో నిర్మాత నాగవంశీ ఎంత బిజీగా ఉన్నారో ఆయన అప్ కమింగ్ ప్రాజెక్టుల్ని చూస్తే అర్థమవుతుందని చెప్పాలి.
Pooja Hegde pic.twitter.com/uMoWzoas8A
— Crushmikans (@Crushmikans) September 29, 2023
