ఈ ఎన్నికల్లో జగన్ ఓడిపోతారని మాజీ రాజకీయ వ్యూహకర్త, ఐ ప్యాక్ మాజీ అధినేత పీకే చాలారోజులుగా చెబుతున్న సంగతి తెలిసిందే. అయితే, పీకే ఆలోచన తప్పని, గత ఎన్నికల కంటే తమకు ఎక్కువ సీట్లు వస్తాయని జగన్ కాన్ఫిడెంట్ గా ఉన్నారు. ఈ క్రమంలోనే తాజాగా జగన్ కామెంట్లపై పీకే ఘాటుగా స్పందించారు.
2024 ఎన్నికల్లో జగన్ ఓడిపోతారని, వైసీపీ ఓటమి ఖాయమని పీకే మరోసారి తేల్చి చెప్పారు. చంద్రబాబు గెలుస్తారని తాను అంటున్నానని, కానీ, గతంలో కంటే ఎక్కువ సీట్లు వస్తాయని జగన్ చెబుతున్నారని…ఇలా మాటకు మాట అనుకుంటూ ఈ చర్చ ముగియదని చెప్పారు.
జర్నలిస్ట్ బర్ఖాదత్‌ ఇంటర్వ్యూలో జగన్ ఓటమి ఖాయమని పీకే చేసిన వ్యాఖ్యలు సంచలనం రేపుతున్నాయి. జగన్ లాగే రాహుల్ గాంధీ, తేజస్వి యాదవ్ ఇలా చాలామంది గెలుపుపై ధీమా వ్యక్తం చేస్తున్నారని గుర్తు చేశారు. బీజేపీకి 2019లో వచ్చిన సీట్లు కచ్చితంగా వస్తాయని, అవకాశం ఉంటే అంతకు మించి సీట్లు వస్తాయని అన్నారు.
