అక్క ప్రొడెక్ష‌న్‌లో మోక్ష‌జ్ఞ ఫిల్మ్ ఎంట్రీ.. ఫ‌స్ట్ లుక్ అదుర్స్‌!

నంద‌మూరి అభిమానులు ఎప్పుడెప్పుడా అని ఎదురుచూసిన త‌రుణం రానే వ‌చ్చింది.. న‌ట‌సింహం నంద‌మూరి బాల‌కృష్ణ వార‌సుడు నంద‌మూరి మోక్ష‌జ్ఞ తేజ ఫిల్మ్ ఎంట్రీ ఇచ్చారు. ఈ రోజు మోక్ష‌జ్ఞ బ‌ర్త్‌డే కావ‌డంతో.. ఆయ‌న‌ డెబ్యూ మూవీపై ప్ర‌క‌ట‌న వెలువ‌డింది. హ‌నుమాన్ మూవీతో నేష‌న‌ల్ వైడ్ గా నేమ్ అండ్ ఫేమ్ సంపాదించుకున్న టాలెంటెడ్ డైరెక్ట‌ర్ ప్ర‌శాంత్ వ‌ర్మ మోక్ష‌జ్ఞను వెండితెర‌కు ప‌రిచ‌యం చేయ‌బోతున్నారు.

ఈ విష‌యాన్ని సోష‌ల్ మీడియా ద్వారా తెలియ‌జేసిన ప్ర‌శాంత్ వ‌ర్మ‌.. `సింబా ఈజ్ క‌మింగ్‌` అంటూ మోక్ష‌జ్ఞ ఫ‌స్ట్ లుక్ పోస్ట‌ర్ ను రిలీజ్ చేశారు. ఈ పోస్ట‌ర్ లో మోక్ష‌జ్ఞ స్మార్ట్ అండ్ స్టైలిష్ గా క‌నిపిస్తూ అంద‌రినీ ఆక‌ట్టుకున్నాడు. ప్ర‌స్తుతం టాలీవుడ్ లో ఉన్న యంగ్ హీరోల‌కు పోటీగా నిల‌బ‌డే క‌టౌట్ తో నంద‌మూరి వార‌సుడు ద‌ర్శ‌నం ఇవ్వ‌డంతో.. అభిమానులు ఫుల్ ఖుషీ అయిపోతున్నారు. ఫ‌స్ట్ లుక్ అదుర్స్ అంటూ కామెంట్ల మోత మోగిస్తున్నారు. మ‌రోవైపు నెటిజ‌న్లు తొలి సినిమాకు ఆల్ ది బెస్ట్ చెబుతున్నారు.

కాగా, ప్ర‌శాంత్ వర్మ సినిమాటిక్‌ యూనివర్స్‌(PVCU) నుంచి రెండో ప్రాజెక్ట్‌గా రానున్న ఈ చిత్రాన్ని ఎస్ఎల్‌వీ సినిమాస్‌, లెజెండ్ ప్రొడెక్ష‌న్స్ బ్యాన‌ర్ల‌పై సుధాకర్ చెరుకూరి మరియు బాలయ్య చిన్న కుమార్తె మతుకుమిల్లి తేజస్విని సంయుక్తంగా నిర్మిస్తున్నారు. అక్క ప్రొడెక్ష‌న్‌లో మోక్ష‌జ్ఞ ఫిల్మ్ ఎంట్రీ ఇవ్వ‌బోతున్నాడు. షూటింగ్ మ‌రియు కాస్టింగ్ వివ‌రాలు త్వ‌ర‌లోనే బ‌య‌ట‌కు రానున్నాయి.

With great joy & privilege, Introducing you…

“NANDAMURI TARAKA RAMA MOKSHAGNYA TEJA” 🦁

Happy birthday Mokshu 🥳

Welcome to @ThePVCU 🤗
Let’s do it 🤞

Thanks to #NandamuriBalakrishna Garu for all the trust & blessings 🙏

Hoping to make this one much more special &… pic.twitter.com/gm9jnhOvYx

— Prasanth Varma (@PrasanthVarma) September 6, 2024