గ‌త కొంత కాలం నుంచి వ‌రుస విజ‌యాల‌తో ఆకాశ‌మే హ‌ద్దుగా దూసుకుపోతున్న న్యాచుర‌ల్ స్టార్ నాని ప్ర‌స్తుతం ప‌లు క్రేజీ ప్రాజెక్ట్స్ తో బిజీగా ఉన్నాడు. అయితే అందులో `ది ప్యారడైజ్` కూడా ఒక‌టి. దసరా వంటి బిగ్గెస్ట్ బ్లాక్ బ‌స్ట‌ర్ అనంత‌రం శ్రీ‌కాంత్ ఓదెల, నాని క‌లిసి చేస్తున్న రెండో ప్రాజెక్ట్ ఇది. ఎస్‌ ఎల్ వీ సినిమాస్‌ పతాకంపై సుధాకర్‌ చెరుకూరి ఈ సినిమాను నిర్మిస్తుండ‌గా.. అనిరుధ్ రవిచందర్ సంగీతం అందిస్తున్నారు.
దసరా టైమ్‌లో లాంఛ‌నంగా ప్యారడైజ్ చిత్రాన్ని ప్రారంభించారు. రెగ్యుల‌ర్ షూటింగ్ జ‌న‌వ‌రి నుంచి స్టార్ట్ కాబోతోంది. అయితే తాజాగా కాస్టింగ్ కు సంబంధించి ఓ ఇంట్రెస్టింగ్ ఫిల్మ్ స‌ర్కిల్స్ లో వైర‌ల్ గా మారింది. ప్యారడైజ్ లో నానికి విల‌న్ గా డైలాగ్ కింగ్ మోహ‌న్ బాబును ఎంపిక చేశార‌ట. ఇటీవ‌లె డైరెక్ట‌ర్ శ్రీ‌కాంత్ ఓదెల మోహ‌న్ బాబును క‌లిసి స్టోరీని నెరేట్ చేశాడ‌ట.
క‌థ న‌చ్చ‌డం, ప్ర‌తినాయ‌కుడి పాత్ర‌కు మంచి ప‌ట్టు ఉండ‌టంతో మోహ‌న్ బాబు ప్యారడైజ్ చిత్రానికి గ్రీన్ సిగ్న‌ల్ ఇచ్చార‌ని జోరుగా ప్ర‌చారం జ‌రుగుతోంది. మ‌రి ఈ ప్ర‌చార‌మే నిజ‌మైతే నాని న్యాచుర‌ల్ పెర్ఫార్మెన్స్, మోహ‌న్ బాబు విల‌క్ష‌ణ న‌ట‌న సినిమాను మ‌రో లెవ‌ల్ కి తీసుకెళ్తాయి అన‌డంలో ఎటువంటి సందేహం లేదు. కాగా, గ‌తంలో ప‌లు చిత్రాల్లో మోహ‌న్ బాబు విల‌న్ గా న‌టించారు. ఆ త‌ర్వాత హీరోగా ట‌ర్న్ తీసుకుని సూప‌ర్ సక్సెస్ అయ్యారు. అయితే గ‌త కొన్నేళ్ల నుంచి హీరోగా ఆయ‌న సక్సెస్ ముఖం చూడ‌లేక‌పోయారు. ప్ర‌స్తుతం మంచు విష్ణు ప్రధాన పాత్రలో నటిస్తూ నిర్మిస్తున్న `క‌న్నప్ప`లో మోహ‌న్ బాబు కీల‌క పాత్ర‌ను పోషిస్తున్నారు.
