కల్కి తో రాజ‌మౌళికి నిద్ర ప‌ట్ట‌డం క‌ష్ట‌మేనా..?

మోస్ట్ టాలెంటెడ్ డైరెక్టర్ నాగ్ అశ్విన్, పాన్ ఇండియా స్టార్ ప్రభాస్ కాంబినేషన్ లో తెరకెక్కిన సైన్స్ ఫిక్షన్ యాక్షన్ మూవీ `కల్కి 2898 ఏడీ నేడు ప్రపంచ వ్యాప్తంగా గ్రాండ్ రిలీజ్ అయిన సంగతి తెలిసిందే. అమితాబ్ బచ్చన్, కమల్ హాసన్, దీపికా పదుకొనే, దిశా పటానీ వంటి స్టార్స్ ప్రధాన పాత్రల్లో నటించిన ఈ చిత్రానికి ప్రేక్షకుల నుంచి అద్భుతమైన రెస్పాన్స్ వస్తుంది. సినీ ప్రియులు కల్కి ఒక విజువల్ వండర్ లా ఉందంటూ డైరెక్టర్ నాగ్‌ అశ్విన్ పై  ప్రశంసలు కురిపిస్తున్నారు. అత‌ని ప‌నితనాన్ని మెచ్చుకుంటున్నారు.

అలాగే భైరవ పాత్రలో ప్రభాస్ యాక్టింగ్ మరియు కామెడీ టైమింగ్ నెక్స్ట్ లెవెల్ అని చెబుతున్నారు. ప్రభాస్ కెరీర్ లోనే కల్కి బెస్ట్ మూవీ అవుతుందని.. బాక్సాఫీస్ వద్ద వెయ్యి కోట్లు రాబట్టడం పక్కా అని అంటున్నారు. ఇక ఇదే తరుణంలో సోష‌ల్ మీడియాలో మ‌రో చ‌ర్చ మొద‌లైంది. క‌ల్కితో ద‌ర్శ‌క‌ధీరుడు రాజ‌మౌళికి నిద్ర ప‌ట్ట‌డం క‌ష్ట‌మే అని నెటిజ‌న్లు ద‌ర్శించుకుంటున్నారు. ఇందుకు కార‌ణం లేక‌పోలేదు.. ఇండియాలో నెం. 1 ద‌ర్శ‌కుడు ఎవరంటే మొద‌ట వినిపించేది రాజ‌మౌళి పేరే.

దాదాపు రెండున్న ద‌శాబ్దాల నుంచి ఇండ‌స్ట్రీలో ఉన్న రాజ‌మౌళి.. బాహుబాలి, ఆర్ఆర్ఆర్ వంటి సినిమాల‌తో ఇంట‌ర్నేష‌న‌ల్ స్థాయిలో నేమ్ అండ్ ఫేమ్ సంపాదించుకున్నాడు. అయితే అంత‌టి గుర్తుంపును నాగ్ అశ్విన్ కేవ‌లం త‌న మూడో సినిమా అయిన క‌ల్కితోనే సొంతం చేసుకుని.. రాజమౌళికి ట‌ఫ్ కాంపిటీట‌ర్ గా నిల‌బ‌డ్డాడు. ఈ నేపథ్యంలోనే సినిమా చూసిన ప్రేక్ష‌కులు.. రాజ‌మౌళికి నాగ్ అశ్విన్ ఇక నిద్ర ప‌ట్ట‌నివ్వ‌డ‌ని మాట్లాడుకుంటున్నారు. కాగా, క‌ల్కి మూవీలో రాజ‌మౌళి క్యామియో ఇవ్వ‌డం విశేషం.