ప్ర‌భాస్ సినిమాపై మంత్రి నారా లోకేష్ స్పెష‌ల్ ట్వీట్‌

ఏపీ విద్యాశాఖ మంత్రి, మంగళగిరి ఎమ్మెల్యే నారా లోకేష్ తాజాగా ప్రభాస్ నటించిన `కల్కి 2898 ఏడీ` మూవీపై స్పెషల్ ట్వీట్ చేశారు. నాగ్ అశ్విన్ డైరెక్ష‌న్ లో రూపుదిద్దుకున్న ఈ సైన్స్ ఫిక్షన్ ఫ్యూచరిస్టిక్ ఫాంటసీ ఫిల్మ్.. నేడు ప్ర‌పంచ‌వ్యాప్తంగా తెలుగు, త‌మిళ్‌, క‌న్న‌డ‌, మ‌ల‌యాళ మ‌రియు హిందీ భాష‌ల్లో విడుద‌లై సూప‌ర్ డూప‌ర్ హిట్ టాక్ ను సొంతం చేసుకుంది.

రూ. 600 కోట్ల బ‌డ్జెట్ తో హాలీవుడ్ చిత్రాల‌కు ఏమాత్రం తీసిపోని విధంగా క‌ల్కి సినిమాను రూపొందించారు. భైర‌వ‌గా ప్ర‌భాస్ అద‌ర‌గొట్టేశాడు. అలాగే అమితాబ్ బ‌చ్చ‌న్, దీపికా ప‌దుకొనే, క‌మ‌ల్ హాస‌న్‌, దిశా ప‌టానీ, రాజేంద్ర ప్ర‌సాద్‌, ప‌శుప‌తి, బ్ర‌హ్మానందం, శోభ‌న త‌దిత‌రులు ఈ చిత్రంలో న‌టించి ప్రేక్ష‌కుల‌ను మెప్పించారు. విజువ‌ల్స్‌, యాక్ష‌న్ సీక్వెన్సెస్ సినిమాను మ‌రోస్థాయికి తీసుకెళ్లాయి. టాక్ అనుకూలంగా ఉండ‌టంతో క‌ల్కి మూవీ బాక్సాఫీస్ వ‌ద్ద కాసుల వ‌ర్షాన్ని కురిపించేందుకు..కొత్త‌ రికార్డులు సెట్ చేసేందుకు సిద్ధం అవుతోంది.

ఇక ఈ నేప‌థ్యంలోనే ఏపీ మంత్రి నారా లోకేష్ క‌ల్కి మూవీపై త‌న అఫీషియ‌ల్ ఎక్స్‌(ట్విట్ట‌ర్‌) ద్వారా స్పందిస్తూ ఒక పోస్ట్ పెట్టారు. `క‌ల్కి 2898 ఏడీకి అద్భుతమైన రివ్యూలు వచ్చినందుకు చాలా సంతోషంగా ఉంది. ఈ కళాఖండంతో భారతీయ సినిమాని పునర్నిర్వచించినందుకు ప్రభాస్, అమితాబ్ బ‌చ్చ‌న్, క‌మ‌ల్ హాస‌న్, దీపికా ప‌దుకొనే మ‌రియు చిత్ర ద‌ర్శ‌కుడు నాగ్ అశ్విన్ ల‌కు అభినంద‌న‌లు. తెలుగు సినిమాని గ్లోబల్ లీగ్‌లోకి నడిపించినందుకు చిత్ర నిర్మాతలు అశ్వినీద‌త్ తో పాటు ఆయ‌న కూతుళ్లు స్వ‌ప్న, ప్రియాంక‌లు ప్ర‌త్యేక ధ‌న్య‌వాదాలు` అంటూ లోకేష్ త‌న ట్వీట్ లో పేర్కొన్నారు.

Really happy to hear terrific reviews for #Kalki2898AD. I congratulate #Prabhas Garu, @SrBachchan Garu, @ikamalhaasan Garu, @deepikapadukone Garu and Director @nagashwin7 Garu for redefining Indian Cinema with this masterpiece. Special praise must be reserved for @AshwiniDuttCh… pic.twitter.com/O3E92GcPIZ

— Lokesh Nara (@naralokesh) June 27, 2024