క‌ల్కి లో దీపికాకు డబ్బింగ్ చెప్పిన స్టార్ హీరోయిన్ ఎవ‌రో తెలుసా?

పాన్ ఇండియా స్టార్ ప్ర‌భాస్‌, నాగ్ అశ్విన్ కాంబినేష‌న్ లో తెర‌కెక్కిన `క‌ల్కి 2898 ఏడీ` చిత్రం గ‌త వారం విడుద‌లై సూప‌ర్ హిట్ టాక్ తెచ్చుకున్న సంగ‌తి తెలిసిందే. టాక్ పాజిటివ్ గా ఉండ‌టంతో క‌ల్కి బాక్సాఫీస్ వ‌ద్ద కాసుల వ‌ర్షం కురిపిస్తోంది. ఇండియాలోనే కాకుండా విదేశాల్లో సైతం రికార్డుల‌ను తిర‌గ‌రాస్తోంది. ప్ర‌పంచ‌వ్యాప్తంగా తొలి రోజు అత్య‌ధిక వ‌సూళ్లు రాబ‌ట్టిన టాప్‌-3 చిత్రాల్లో ఒక‌టిగా నిలిచిన క‌ల్కి.. తొలి వీకెండ్ క‌లెక్ష‌న్స్ తో ప్ర‌భాస్ ను రూ. 500 కోట్ల సింహాస‌నంపై నిల‌బెట్టింది.

నార్త్ అమెరికా, జ‌ర్మ‌నీ, మ‌లేషియా, కెన‌డా.. ఇలా విడుద‌లైన ప్ర‌తి చోట క‌ల్కి హ‌వా గ‌ట్టిగా న‌టిస్తోంది. ఇక‌పోతే ఈ మైథలాజికల్‌ సైన్స్‌ ఫిక్షన్ మూవీలో ప్ర‌భాస్‌, దీపికా ప‌దుకొనే, అమితాబ్ బ‌చ్చ‌న్‌, క‌మ‌ల్ హాస‌న్ ప్ర‌ధాన పాత్ర‌ల‌ను పోషించారు. దీపికా పాత్ర చుట్టూనే స్టోరీ మొత్తం న‌డుస్తుంది. ఆమె సినిమాలో SUM-80 అలియాస్ సుమతి పాత్ర‌ను పోషించింది.

డీ గ్లామ‌ర‌స్‌గానే అయినా బ‌ల‌మైన ఎమోష‌న‌ల్ క్యారెక్ట‌ర్ లో దీపికా ఒదిగిపోయి న‌టించింది. అయితే సినిమాలో డ‌బ్బింగ్ చెప్పింది మాత్రం దీపికా ప‌దుకొనే కాదు. మ‌రో స్టార్ హీరోయిన్ సుమ‌తి పాత్ర‌కు వాయిస్ ఇచ్చింది. ఇంత‌కీ ఆ హీరోయిన్ మ‌రెవ‌రో కాదు శోభిత దూళిపాళ్ల. తాజాగా ఈ విషయాన్నీ సోష‌ల్ మీడియా ద్వారా శోభిత తెలియ‌జేసింది. కల్కి సినిమా ఎండ్ లో థాంక్స్ నోట్ లో శోభిత‌ పేరును కూడా వేయ‌గా.. అందుకు సంబంధించిన ఫోటోను లవ్ సింబల్ ఎమోజీతో ఇన్‌స్టాలో షేర్ చేసింది.

కాగా, తెలుగు అమ్మాయి అయిన‌ప్ప‌టికీ శోభిత మాత్రం బాలీవుడ్ లో కెరీర్ స్టార్ట్ చేసింది. టాలీవుడ్ లో గూడచారి, మేజర్ వంటి సినిమాల్లో మెరిసింది. అయితే తెలుగు ఇండ‌స్ట్రీలో సినిమాల క‌న్నా నాగ‌చైత‌న్య‌తో ల‌వ్ ఎఫైర్ రూమ‌ర్ల ద్వారా శోభిత ఎక్కువ పాపుల‌ర్ అయింది.