చంద్రబాబు పై విజయసాయి వెరైటీ ట్వీట్…అనూహ్యం

టీడీపీ జాతీయాధ్యక్షుడు, ఏపీ మాజీ సీఎం నారా చంద్రబాబు నాయుడు నేడు పుట్టినరోజు జరుపుకుంటున్నారు. ఈ సందర్భంగా ఆయనకు పలువురు రాజకీయ, వ్యాపార, సినీ ప్రముఖులు జన్మదిన శుభాకాంక్షలు తెలుపుతున్నారు. ఈ క్రమంలోనే తన తండ్రికి టీడీపీ అగ్రనేత నారా లోకేశ్ పుట్టిన రోజు శుభాకాంక్షలు తెలిపారు. తెలుగు ప్రజల జీవితాలను మార్చాలని నిరంతరం మీరు పడే తపన తెలుసంటూ లోకేశ్ ట్వీట్ చేశారు.

‘‘మీ ఆకాంక్షలన్నీ నెరవేరాలని కోరుకుంటున్నాను. హ్యాపీ బర్త్ డే తెలుగు ప్రైడ్ బాబు..హ్యాష్ ట్యాగ్ తో చంద్రబాబు స్వయంగా మాట్లాడిన వీడియో సందేశాన్ని లోకేశ్ ట్వీట్ చేశారు. మరోవైపు, చంద్రబాబుకు వైసీపీ రాజ్యసభ సభ్యుడు విజయసాయిరెడ్డి కూడా పుట్టిన రోజు శుభాకాంక్షలు తెలిపారు. ‘టీడీపీ అధ్యక్షులు, ప్రతిపక్ష నాయకులు శ్రీ నారా చంద్రబాబు నాయుడు గారికి హృదయపూర్వక జన్మదిన శుభాకాంక్షలు. సంపూర్ణ ఆరోగ్యం, దీర్ఘాయుష్షుతో మరెన్నో ఆనందకరమైన పుట్టినరోజులు జరుపుకోవాలని ఆకాంక్షిస్తున్నా’ అని విజయసాయి ట్వీట్ చేశారు.

చాలాకాలంగా సోషల్ మీడియాకు దూరంగా ఉంటున్న విజయసాయి…తాజాగా ఈ ట్వీట్ చేయడం ప్రాధాన్యతను సంతరించుకుంది. ఇక, ముఖ్యంగా చంద్రబాబు, టీడీపీకి, లోకేష్ కు వ్యతిరేకంగా ట్వీట్లు చేసే విజయసాయి…ఇలా చంద్రబాబుకు శుభాకాంక్షలు తెలపడం హాట్ టాపిక్ గా మారింది. గతంలో చంద్రబాబుకు విజయసాయి పుట్టిన రోజు శుభాకాంక్షలు తెలిపినప్పటికీ..అది సెటైరికల్ గా, విమర్శనాత్మకంగా ఉండేది.

I know how passionate you are to transform the lives of Telugu people and leave an everlasting legacy. May all your wishes come true Nana! Happy Birthday!#HBDTeluguPrideBabu pic.twitter.com/3fWPFWFTsy

— Lokesh Nara (@naralokesh) April 20, 2023