టాలీవుడ్ లోని యంగ్ హీరోల్లో రౌడీ హీరో విజయ్ దేవరకొండకి ఉన్న క్రేజ్ వేరు. అర్జున్ రెడ్డితో హిట్ కొట్టిన విజయ్…ఆ తర్వాత ఆ స్థాయిలో హిట్ అందుకోలేకపోయాడు. దీంతో, తాజాగా విజయ్ నటిస్తోన్న పాన్ ఇండియా మూవీ ‘లైగర్’ చిత్రంపై రౌడీ ఫ్యాన్స్ గంపెడాశలు పెట్టుకున్నారు. ఇక, మరోపక్క నిర్మాతగా మారిన విజయ్…తన తమ్ముడి సినిమాలను నిర్మిస్తున్నాడు. తాజాగా ఆనంద్ దేవరకొండ హీరోగా నటిస్తున్న ‘పుష్పక విమానం’ ప్రమోషన్స్ లో పాల్గొన్న విజయ్ దేవరకొండ షాకింగ్ న్యూస్ చెప్పాడు.
తన చిత్ర ప్రమోషన్స్ ను కూడా విజయ్ దేవరకొండ వెరైటీగా చేస్తాడన్న సంగతి తెలిసిందే. త్వరలోనే ఆనంద్ దేవరకొండ నటించిన పుష్పక విమానం రిలీజ్ కాబోతోన్న క్రమంలో విజయ్ దేవరకొండ, ఆనంద్ దేవరకొండ నెటిజన్లతో చిట్ చాట్ చేశారు. వీరిద్దరి గురించి గూగుల్ లో ఎక్కువగా సెర్చ్ చేసిన ప్రశ్నలకు సమాధానాలు చెప్పారు. విజయ్ దేవరకొండ సింగిలా..? అన్న ప్రశ్నకు విజయ్ ఇచ్చిన ఆన్సర్ తో నెటిజన్ల మైండ్ బ్లాక్ అయింది.
ఇటీవలే తనకు బ్రేకప్ అయ్యిందని… ఈ విషయం ఎవరికి చెప్పలేదని…ప్రస్తుతం తాను కొంచెం బాధలో ఉన్నా అని చెప్పుకొచ్చాడు విజయ్. అయితే, నిజంగా బ్రేకప్ అయిందా…? లేక సరదాగా అన్నాడా… అని కొందరు అభిమానులు కన్ ఫ్యూషన్ లో ఉన్నారు. ఒకవేళ నిజంగా బ్రేకప్ అయితే…ఆ అమ్మాయి ఎవరు..? అని మరి కొందరు ఆలోచిస్తున్నారు. ఇక, తాను స్టార్ ని మాత్రమేనని…స్టార్ కిడ్ ని కాదని చెబుతున్నాడు విజయ్.
ఇక, ‘పుష్పక విమానం’ వినోదాత్మకంగా తెరకెక్కిన చిత్రమని, ఇందులో మంచి థ్రిల్లింగ్‌ ఎలిమెంట్స్‌ కూడా ఉన్నాయని చెప్పాడు విజయ్. సినిమా విడుదలయ్యాక వేరే భాషల్లో కూడా రీమేక్‌ అవుతుందని కాన్ఫిడెంట్ గా ఉన్నాడు. ఆనంద్ కథ విన్న తర్వాత తానూ ఆ కథ విన్నానని, నచ్చి నిర్మాణంలో భాగమయ్యానని చెప్పాడు. లైగర్ తర్వాత ‘ఎవడే సుబ్రహ్మణ్యం’ సమయంలో దామోదర్‌ చెప్పిన కథతో తానే నిర్మాతగా ఓ వెబ్‌ సిరీస్‌ చేస్తున్నానని చెప్పాడీ రౌడీ హీరో.
