పాన్ ఇండియా సెన్సేష‌న్ ప్ర‌భాస్ నుంచి తాజాగా వ‌చ్చిన మ‌రో బిగ్గెస్ట్ మూవీ `క‌ల్కి 2898 ఏడీ`. నాగ్ అశ్విన్ ద‌ర్శ‌క‌త్వంలో అశ్వినీ ద‌త్ నిర్మాణంలో రూపుదిద్దుకున్న ఈ మైథలాజికల్‌ సైన్స్‌ ఫిక్షన్ మూవీ పాజిటివ్ టాక్ ను సొంతం చేసుకుంది. ఇండియాలోనే కాకుండా ఓవ‌ర్సీస్‌లో కూడా క‌ల్కి చిత్రానికి ప్రేక్ష‌కుల నుంచి విశేష‌మైన స్పంద‌న ల‌భిస్తోంది. దీంతో బాక్సాఫీస్ వ‌ద్ద ప్ర‌భాస్ వీర‌విహారం చేస్తున్నాడు.
ముఖ్యంగా తెలుగు రాష్ట్రాల్లో క‌ల్కి చిత్రం ఓ రేంజ్ లో దుమ్ము లేపుతోంది. విడుద‌లైన తొలి రోజు ఏపీ మ‌రియు తెలంగాణ‌లో రూ. 44.86 కోట్ల షేర్‌, రూ. 70.20 కోట్ల గ్రాస్ ను సొంతం చేసుకున్న క‌ల్కి.. రెండో రోజు వ‌ర్కింగ్ డే అయినా కూడా రూ. 20 కోట్ల రేంజ్ లో షేర్‌, రూ. 31.35 కోట్ల గ్రాస్ ను రాబ‌ట్టి అద్భుత‌మైన హోల్డ్ ను చూపించింది.
అంచనాలను మించి పోయే కలెక్షన్స్ తో బ్రేక్ ఈవెన్ దిశ‌గా ప‌రుగులు పెడుతోంది. రెండు తెలుగు రాష్ట్రాల్లో క‌ల్కి టార్గెట్ రూ. 168 కోట్ల దాకా ఉంది. అయితే టాక్ అనుకూలంగా ఉండ‌టంతో వీకెండ్ లోనే చాలా మొత్తాన్ని ప్ర‌భాస్ రిక‌వ‌రీ చేసేసాలా క‌నిపిస్తున్నాడు. కాగా, పురాణాల‌ను భవిష్య‌త్తుకు ముడిపెడుతూ నాగ్ అశ్విన్ ఒక విజువ‌ల్ వండ‌ర్ లా క‌ల్కి మూవీని తీశాడు. ఇందులో ప్ర‌భాస్ తో పాటు అమితాబ్ బ‌చ్చ‌న్‌, క‌మ‌ల్ హాస‌న్‌, దీపికా ప‌దుకొనే, దిశా ప‌టానీ వంటి స్టార్ కాస్ట్ భాగం అయ్యారు.
