ప‌వ‌ర్ స్టార్ పవన్ కళ్యాణ్ హీరోగా రూపొందుతున్న చారిత్రక యాక్షన్ అడ్వెంచర్ చిత్రం `హరి హ‌ర వీరమల్లు`. క్రిష్ జాగర్లమూడి డైరెక్ట‌ర్ గా 2020లో ఈ సినిమా ప్రారంభం అయిన‌ప్ప‌టికీ.. ప‌లు కార‌ణాల వ‌ద్ద జ్యోతి కృష్ణ ద‌ర్శ‌కత్వ బాధ్య‌తలు తీసుకున్నారు. ఆ సినిమా షూటింగ్ ఆల్మోస్ట్ కంప్లీట్ అయింది. ప్ర‌స్తుతం పోస్ట్ ప్రొడక్షన్ ప‌నులు జ‌రుగుతున్నాయి. 2025 మే 9న హరి హ‌ర వీర‌మ‌ల్లును పాన్ ఇండియా స్థాయిలో విడుద‌ల చేయ‌బోతున్న‌ట్లు మేక‌ర్స్ ఇప్ప‌టికే ప్ర‌క‌టించారు.
కానీ గ‌త కొద్ది రోజులుగా ఈ సినిమా రిలీజ్ డేట్ వాయిదా ప‌డబోతుందంటూ జోరుగా ప్ర‌చారం జ‌రుగుతోంది. దీంతో చిత్ర‌బృందం ఈ ప్ర‌చారాన్ని ఖండిస్తూ తాజాగా ప‌వ‌ర్ స్టార్ ఫ్యాన్స్ ఫుల్ ఖుషీ అయ్యే న్యూస్ రివీల్ చేసింది. రీరికార్డింగ్‌, డ‌బ్బింగ్‌, వీఎఫ్ఎక్స్ ప‌నులు మెరుపు వేగంతో కొన‌సాగుతున్నాయి. ఈ వేసవిలో అతిపెద్ద సినిమాటిక్ దృశ్యాన్ని మీకు అందించడానికి మేము సిద్ధమవుతున్నాము. 2025 మే 09వ తేదీన హరిహర వీరమల్లు అగ‌మ‌నం గ్యారెంటీ` అంటూ మేక‌ర్స్ ట్వీట్ చేశారు.
దీంతో హరి హ‌ర వీరమల్లు రిలీజ్ డేట్ పై అంద‌రికీ ఓ క్లారిటీ వ‌చ్చిన‌ట్లు అయింది. కాగా, ఈ సినిమాను రెండు భాగాలుగా తెర‌కెక్కిస్తున్నారు. ఫ‌స్ట్ పార్ట్ `హరిహర వీరమల్లు పార్ట్: స్వార్డ్ వర్సెస్ స్పిరిట్` పేరుతో ప్రేక్షకుల ముందుకు తీసుకొస్తున్నారు. బాబీ డియోల్ , నిధి అగర్వాల్ , నర్గీస్ ఫఖ్రీ, నోరా ఫతేహి త‌దిత‌రులు ఈ పిరియాడిక‌ల్ మూవీలో ముఖ్య‌మైన పాత్ర‌ల‌ను పోషిస్తున్నారు. పవన్ కళ్యాణ్ కెరీర్ లోనే హైయ్యెస్ట్ బ‌డ్జెట్ లో రూపుదిద్దుకుంటున్న హరి హ‌ర వీరమల్లు చిత్రాన్ని మెగా సూర్య ప్రొడక్షన్ బ్యాన‌ర్ పై ఎ. దయాకర్ రావు, ఎ.ఎమ్‌ రత్నం నిర్మిస్తున్నారు. కీర‌వాణి సంగీతం స‌మ‌కూర్చుతున్నారు.
Re-recording, Dubbing, and VFX are in full swing—pushing boundaries at lightning speed.
We're gearing up to bring you the biggest cinematic spectacle of the summer!#HariHaraVeeraMallu hits the big screens on May 9th, 2025.
Get ready for an epic experience like never… pic.twitter.com/mduDpojxgY
— Hari Hara Veera Mallu (@HHVMFilm) April 11, 2025
