ఆర్ఆర్ఆర్ వంటి బిగ్గెస్ట్ బ్లాక్ బ‌స్ట‌ర్ అనంత‌రం యంగ్ టైగ‌ర్ ఎన్టీఆర్ ఖాతాలో `దేవర` రూపంలో మ‌రో హిట్ వ‌చ్చి ప‌డింది. కొర‌టాల శివ డైరెక్ట్ చేసిన ఈ చిత్రంతో శ్రీ‌దేవి కూతురు జాన్వీ క‌పూర్ సౌత్ ఇండ‌స్ట్రీలోకి అడుగుపెట్టింది. భారీ అంచ‌నాల న‌డుమ సెప్టెంబ‌ర్ 27న వరల్డ్ వైడ్ గా గ్రాండ్ రిలీజ్ అయిన దేవర.. మిక్స్డ్ టాక్ తోనే బాక్సాఫీస్ వ‌ద్ద మాస్ ర‌చ్చ చేస్తోంది. వారం తిర‌క్క ముందే బ్రేక్ ఈవెన్ అయిన దేవర.. ప్ర‌స్తుతం భారీ లాభాల‌తో రూ. 400 కోట్ల క్ల‌బ్ లో చేరేందుకు ప‌రుగులు ప‌డుతోంది.
తాజాగా దేవర ప‌ది రోజుల క‌లెక్ష‌న్స్ లెక్క బ‌య‌ట‌కు వ‌చ్చింది. రిలీజ్ అయిన 10వ రోజు కూడా ఎన్టీఆర్ లేటెస్ట్ మూవీ తెలుగు రాష్ట్రాల్లో ఏకంగా రూ. 6.45 కోట్ల రేంజ్ లో షేర్ ని అందుకుని అద‌ర‌గొట్టేసింది. ప‌ది రోజుల టోట‌ల్ క‌లెక్ష‌న్స్ ను గ‌మ‌నిస్తే.. ఏపీ మ‌రియు తెలంగాణ‌లో దేవర రూ. 135.83 కోట్ల షేర్, రూ. 193.55 కోట్ల గ్రాస్ క‌లెక్ష‌న్స్ ను కొల్ల‌గొట్టింది. ఓవ‌ర్సీస్ లో ఇప్ప‌టి వ‌ర‌కు రూ. 29.70 కోట్ల షేర్ వ‌చ్చింది.
అలాగే వరల్డ్ వైడ్ గా ప‌ది రోజుల ర‌న్ ముగిసే స‌మ‌యానికి రూ. 220.65 కోట్ల షేర్, రూ. 381.50 కోట్ల గ్రాస్ వ‌సూళ్లు వ‌చ్చాయి. విడుద‌ల‌కు ముందు దేవర సినిమాకి రూ. 183 కోట్ల రేంజ్ లో ప్రీ రిలీజ్ బిజినెస్ జ‌రిగింది. రూ. 184 కోట్ల బ్రేక్ ఈవెన్ టార్గెట్ తో ఎన్టీఆర్ బ‌రిలోకి దూకాడు. అయితే ఆరు రోజుల్లోనే టార్గెట్ ను రీచ్ అయిన దేవర.. ప్ర‌స్తుతం రూ. 36.65 కోట్ల లాభాల‌తో ముందు సాగుతోంది. మ‌రి ఫుల్ ర‌న్ ముగిసే టైమ్ కు ఈ ఫిగ‌ర్ ఏ రేంజ్ కు చేరుకుంటుందో చూడాలి.
