అది సినిమా అయినా.. ఆట అయినా.. ఇంకేదైనా సరే.. తాము అభిమానించే వారి ప్రముఖులు.. సెలబ్రిటీల వ్యక్తిగత విషయాల గురించి తెలుసుకోవటం కోసం ఎంతటి ఆసక్తిని ప్రదర్శిస్తారో ప్రత్యేకంగా చెప్పాల్సిన అవసరమే లేదు. అందునా.. తమ పిల్లల్ని గోప్యంగా ఉంచే సెలబ్రిటీల జంటల మీద మరింత ఆసక్తి ఎక్కువగా ఉంటుంది.
తాజాగా అలాంటి విశేషమే చోటు చేసుకుంది. దక్షిణాఫ్రికాతో తాజాగా జరిగిన మూడో వన్డే మ్యాచ్ సందర్భంగా.. స్టేడియంలోని ప్రేక్షకులకే కాదు.. లైవ్ మ్యాచ్ ను చూసినోళ్లకు అటు ఆటతో పాటు.. ఇటు విరాట్ కోహ్లీ-అనుష్క శర్మల గారాల పట్టిని చేసే అవకాశం లభించింది.
మ్యాచ్ లైవ్ లో ఉన్న వేళ.. స్టాండ్స్ లో ఉన్న అనుష్క శర్మ చేతుల్లో ఉన్న ఆమె కుమార్తె వామికా కెమేరా కంటికి చిక్కింది. ఆ సమయంలో వామికా ముఖం స్పష్టంగా కనిపించనప్పటికీ.. స్టేడియంలోకి వెళుతున్న వామికాకు.. నాన్నను చూపిస్తూ అనుష్క శర్మ కనిపించింది. వామికా పుట్టినప్పటి నుంచి తమ కుమార్తె ముఖాన్ని కనిపించకుండా జాగ్రత్తలు తీసుకుంటున్నారు కోహ్లీ.. అనుష్క శర్మలు.
గత ఏడాది జనవరి 11 న జన్మించిన వామికాకు సంబంధించిన ఫోటోలు ఇప్పటికి బయటకు రాలేదు. అందుకు భిన్నంగా ఆమె ముఖం స్పష్టంగా కాకున్నా.. అస్పష్టంగా అయినా కొంత కనిపించింది ఇదే. దొరక్క దొరికిన అవకాశాన్ని మరింతలా ఉపయోగించుకొని.. కాసింత క్లారిటీతో వీడియో కనిపించి ఉంటే మరింత బాగుంటుందన్న మాట పలువురి నోట వినిపిస్తోంది.
She is soo soo cute????❤️
This one is for the baby❤️#ViratKohli #vamika #INDvsSAF pic.twitter.com/IyEvvSicqd— Ananya Sharma (@Theananyasharma) January 23, 2022
రెండు పిలకలు వేసి.. పింక్ కలర్ గౌన్ తో వామికా చాలా క్యూట్ గా ఉందని చెప్పాలి.ఇంకెందుకు ఆలస్యం.. సోషల్ మీడియాలో వైరల్ అవుతున్న చిట్టి వీడియోను చూడండి.
