చేయ‌క చేయ‌క ఒక ఐటెం సాంగ్ చేసింది సమంత. ఆ పాట ఎంత‌టి సంచ‌ల‌నం రేపిందో తెలిసిందే. మ‌గ‌వాళ్ల‌ది వంక‌ర బుద్ధి అంటూ సాగే అందులోని లిరిక్స్ పెద్ద చ‌ర్చ‌కే తావిచ్చాయి. దీని మీద వివాదాలు కూడా న‌డిచాయి. ఇక ఈ పాట‌లో సమంత హాట్ హాట్ అందాలు కుర్రాళ్లలో మామూలు కాక రేప‌లేదు.
కెరీర్లో ఎన్నడూ లేనంత బోల్డ్‌గా క‌నిపించి ఈ ర‌కంగా కూడా సంచ‌ల‌న‌మే రేపింది సమంత. నాగ‌చైత‌న్య నుంచి విడిపోయిన కొన్ని నెల‌ల‌కే ఈ పాట చేయ‌డంతో.. సామ్ అస‌హ‌నంతో ఈ పాట చేసింద‌ని, ఉద్దేశ‌పూర్వ‌కంగానే అంత హాట్‌గా క‌నిపించింద‌ని, లిరిక్స్ ప‌రంగా కూడా ఆమె బాగా క‌నెక్ట్ అయింద‌ని.. ఇలా ర‌క‌ర‌కాలుగా మాట్లాడుకున్నారు.
ఏదైతేనేం ఈ పాట సినిమాకు చేయాల్సిన లాభ‌మంతా చేసింది. స‌మంత‌కు కూడా మంచి పారితోష‌కం, గుర్తింపు ల‌భించాయి. ఐతే సామ్ ఇప్పుడిప్పుడే మ‌ళ్లీ ఇలాంటి పాట చేయ‌క‌పోవ‌చ్చ‌నే అభిప్రాయాలు వినిపించాయి.
కానీ సమంత ఎక్కువ గ్యాప్ తీసుకోకుండా ఇంకో ఐటెం సాంగ్‌ను ఓకే చేయ‌బోతోంద‌ని వార్త‌లొస్తున్నాయి. అది పాన్ ఇండియా మూవీ లైగ‌ర్ కోస‌మ‌ట.
సుకుమార్ అంత రెగ్యుల‌ర్ కాక‌పోయినా పూరి సినిమాల్లో కూడా అప్పుడ‌ప్పుడూ ఐటెం సాంగ్స్ ఉంటాయి. లైగ‌ర్‌ను మాస్‌కు చేరువ చేసే ఉద్దేశంతో ఏ అవ‌కాశాన్నీ విడిచిపెట్ట‌ని ఆయ‌న.. ఐటెం సాంగ్‌ను కూడా జోడిస్తున్నార‌ట. ఈ పాట కోసం ఎవ‌రెవ‌రినో అనుకుని చివ‌రికి సమంత ద‌గ్గ‌ర ఆగార‌ట.
మంచి పారితోష‌కం ఆఫ‌ర్ చేయ‌డం, క్రేజీ కాంబినేష‌న్లో తెర‌కెక్కుతున్న పాన్ ఇండియా మూవీ కూడా కావ‌డంతో సమంత ఈ ప్ర‌తిపాద‌న‌కు ఓకే చెప్పే అవ‌కాశాలే ఎక్కువ అంటున్నారు. మ‌రి ఊ అంటావా లాగే ఈ పాట‌తోనూ సామ్ సెన్సేష‌న్ క్రియేట్ చేస్తుందేమో చూడాలి. నిజంగా సమంత ఈ పాట చేస్తే.. మున్ముందు ఆమె నుంచి మ‌రి కొన్ని ఐటెం సాంగ్స్ రాబోతున్న‌ట్లే.
