వైభవంగా TAL World Kindness Day!

టచ్ ఏ లైఫ్ నిర్వహించిన TAL World Kindness Day శాంతా క్లారా కన్వెన్షన్ సెంటర్లో ఘనంగా జరిగింది.

ఉదయం తొమ్మిది గంటల నుంచీ మొదలైన ఈ వేడుకలలో ఎన్నో అరుదైన కార్యక్రమాలు జరిగాయి.

మన చుట్టూ ఉండే సామాజిక అంశాల గురించి అవగాహన పెంచేలా, పరిష్కారాన్ని సూచించేలా చర్చా కార్యక్రమాలు నిర్వహించారు.

పేదరికం, ఆరోగ్యం, నిరక్షరాస్యత లాంటి ఎన్నో సమస్యల మీద చర్చించారు.

ప్రముఖ విద్యావేత్త మేనియల్ సెరాపియో, రచయిత్రి యూలిన్ లీ వంటి నిపుణులు ఈ చర్చల్లో పాల్గొన్నారు.

కన్వెన్షన్ సెంటర్లో మరో వేదిక మీద కీనోట్ ప్రసంగాలు కొనసాగాయి.

క్రిస్ సేలం, టెడ్ లెంపర్ట్, ఫ్రెడ్ టోవర్ వంటి ప్రపంచ స్థాయి నాయకులు తమ జీవితం, అనుభవాలు, అభిప్రాయాలను పంచుకున్నారు.

టాల్  World Kindness Day సందర్భంగా ఎన్నో స్వచ్ఛంద సంస్థలు స్టాల్స్ ఏర్పాటు చేసుకునే సౌలభ్యం కల్పించింది టచ్ ఏ లైఫ్.

ప్రథమ్, అక్షయ పాత్రతో పాటు మరెన్నో సేవా సంస్థలెన్నో ఈ స్టాల్స్ ద్వారా తమ లక్ష్యాన్ని వివరించాయి.

యువతను Social Entrepreneurs గా తీర్చిదిద్దే బూట్ క్యాంప్ World Kindness Day ముఖ్య ఆకర్షణగా నిలిచింది.

విజ్జి సూర్యదేవర, కాత్యాయని వంటి నిపుణులు యువతను సామాజిక ఆవిష్కర్తగా మార్చే నైపుణ్యాలను అందించారు.

TALHero అవార్డులు World Kindness Day ముఖ్య ఆకర్షణగా నిలిచాయి.

తమ సేవతో, మంచి మనసుతో సమాజం మీద ప్రభావం చూపిన వ్యక్తులు, సంస్థలకు ఈ అవార్డులను అందించారు.

కొవిడ్ సమయంలో అసాధారణమైన సాయం చేసిన ప్రముఖ పారిశ్రామిక వేత్త రవి పులి ఈ అవార్డును అందుకున్న వారిలో ఉన్నారు.

TAL World Kindness Day సందర్భంగా 12 గంటల పాటు నృత్య సంగీత కార్యక్రమాలు నిర్వహించడం విశేషం.

దేశ విదేశాల కళలతో పాటు సాయంత్రం జరిగిన కాన్సర్ట్ ప్రేక్షకులను విశేషంగా ఆకర్షించింది.

ప్రముఖ గాయకులు హేమచంద్ర, వైష్ణవి, రేణు కుమార్, సుమంగళి పాల్గొన్న ఈ కాన్సర్ట్ చూసేందుకు వందల మంది ప్రేక్షకులు కన్వెన్షన్ సెంటర్ కు వచ్చారు.

సెనెటర్ డేవ్ కోర్టిస్, ఇండియా కాన్సులేట్ జనరల్ డాక్టర్ నాగేంద్ర ప్రసాద్, శాంతా క్లారా కౌన్సిల్ సభ్యులు రాజ్ చాహల్, శాంతా క్లారా మేయర్ లిసా గిల్మోర్, శాంతా క్లారా కౌన్సిల్ మెంబెర్ కతి వాతనబి శాంతా క్లారా కౌన్సిల్ సభ్యులు లిండా సెల్, డబ్లిన్ స్పెషల్ డిస్ట్రిక్ట్ డైరెక్టర్ అరుణ్ గోయల్, శాన్ రామన్ వైస్ మేయర్ శ్రీధర్ వేరోస్, హేవార్డ్ కౌన్సిల్ సభ్యులు ఐషా వాహబ్, శాంతా క్లారా కౌంటీ బోర్డు అఫ్ ఎడ్యుకేషన్ ట్రస్టీ పాటీ కర్టెసీ, ప్రముఖ పారిశ్రామిక వేత్తలు జయరాం కోమటి, రామి రెడ్డి, శ్రీని మాదాల, కుమార్ శ్రీపాదం, ప్రసాద్ దాసరి, సిలికాన్ ఆంధ్ర చైర్మన్ ఆనంద్ కూచిభొట్ల, వైస్ చైర్మన్ దిలీప్ కొండిపర్తి, స్థానిక ప్రముఖ నాయకులు కిరణ్ ప్రభ, రమేష్ తంగెళ్లపల్లి తదితరులు ఎంతోమంది కార్యక్రమానికి వచ్చారు.

మానవత్వాన్ని పంచేలా, పెంచేలా ఇలాంటి ఒక కార్యక్రమాన్ని నిర్వహించాలన ఆలోచనే అపూర్వమని ప్రశంసించారు.

TAL World Kindness Day ను రూపొందించిన టచ్ ఏ లైఫ్ వ్యవస్థాపకులు సాయి గుండవల్లి, వీణ గుండవల్ల, తేజ్, త్రిషలను అభినందించారు.

ప్రతి ఒక్కరూ తమ వంతుగా సాయం చేస్తే, ఇతరుల కోసం అడుగు ముందుకు వేస్తే లోకం మారిపోతుందనే సందేశంతో టాల్ వేడుకలు విజయవంతంగా ముగిశాయి.