సినిమా ఇండస్ట్రీలో టాలెంట్ ఒక్కటి ఉంటే సరిపోదు. అంతకు మించి చాలానే ఉండాలి. ప్రోత్సహించేవాళ్లు ఉండాలి. ఛాన్సులు ఇచ్చే వారుండాలి. క్రియేటివిటీని ఎంత ప్రదర్శించినా.. ప్రేక్షకులు కనెక్టు కానోళ్లు ఎంతోమంది ఉన్నారు.
కోలీవుడ్ లో ఇప్పటికే తానేమిటో ఫ్రూవ్ చేసుకున్న ప్రముఖ సంగీత దర్శకుడికి తెలుగులో మాత్రం ఇప్పటివరకు బ్రేక్ అన్నది రాలేదు. అలాంటి యువ సంగీత దర్శకుడి సుడి ఒక్కసారి మారేలా పరిణామాలు చోటు చేసుకున్నాయి.
తాజాగా అతగాడికి బంఫర్ ఆపర్లు వరుస పెట్టి వస్తున్నాయి. ఇంతకీ ఆ లక్కీ ఫెలో ఎవరంటారా? ఇంకెవరూ.. అనిరుధ్.
ఇప్పటికే కోలీవుడ్ లో తన సత్తా చాటిన అతగాడికి టాలీవుడ్ అచ్చి రాలేదు. తెలుగులో అతగాడు చేసిన తొలి సినిమా అజ్ఞాతవాసి. అదెంత డిజాస్టర్ అన్నది ప్రత్యేకంగా చెప్పాల్సిన అవసరమే లేదు. ఈ సినిమాలో సంగీతాన్ని ఎవరూ వంక పెట్టకున్నా.. దాంతో అనిరుధ్ కు రావాల్సిన పేరు మాత్రం రాలేదు. ఆ తర్వాత జెర్సీ.. గ్యాంగ్ లీడర్ మూవీలు చేసినా.. సరైన బ్రేక్ రాలేదనే చెప్పాలి.
ఇలా తనదైన ఛాన్స్ కోసం తపిస్తున్న అనిరుధ్ కు తాజాగా వరుస పెట్టి మరీ అవకాశాలు వస్తున్నాయి. టాలీవుడ్ స్టార్ హీరోలు ముగ్గురితో అనిరుధ్ మూవీలు చేయనున్నట్లు చెబుతున్నారు. కొరటాల శివతో తారక్ చేస్తున్న మూవీకి అనిరుధ్ ను ఎంపిక చేసుకున్నట్లు తెలుస్తోంది.
శంకర్ దర్శకత్వంలో చెర్రీ చేస్తున్న మూవీకి మ్యూజిక్ డైరెక్టర్ ఇతడేనని తెలుస్తోంది. త్రివిక్రమ్ మహేశ్ కాంబోలో తయారయ్యే మూవీలోనూ అనిరుధ్ కే ఛాన్స్ అంటున్నారు. ఈ దెబ్బతో అయినా.. అనిరుధ్ తన మార్క్ చూపించి టాలీవుడ్ లో సుస్థిర స్థానాన్ని సొంతం చేసుకుంటారని ఆశిద్దాం.
