ఉస్తాద్ రామ్ పోతినేని ప్రస్తుతం `డబుల్ ఇస్మార్ట్` మూవీతో బిజీగా ఉన్న సంగతి తెలిసిందే. ఇస్మార్ట్ శంకర్ కు సీక్వెల్ గా పూరీ జగన్నాథ్ దర్శకత్వంలో రూపుదిద్దుకున్న సైన్స్ ఫిక్షన్ యాక్షన్ మూవీ ఇది. ఇందులో కావ్య థాపర్ హీరోయిన్ గా నటించింది. ప్రతినాయకుడి పాత్రను బాలీవుడ్ స్టార్ సంజయ్ దత్ పోషించారు.
లైగర్ వంటి డిజాస్టర్ మూవీ అనంతరం పూరి కనెక్ట్స్‌ బ్యానర్ పై పూరీ జగన్నాథ్, ఛార్మీ కౌర్‌ నిర్మించిన డబుల్ ఇస్మార్ట్ చిత్రం ఇండిపెండెన్స్ డే కానుక‌గా ఆగస్టు 15న పాన్ ఇండియా స్థాయిలో విడుదల కాబోతోంది. ఇప్పటికే ఈ చిత్రం పై భారీ అంచనాలు నెల‌కొన్నాయి.
ఇక‌పోతే రామ్ పోతినేని త‌న త‌దుప‌రి చిత్రాన్ని మహేష్ బాబు.పి దర్శకత్వంలో ప‌ట్టా లెక్కించబోతున్నాడ‌ని ఓ క్రేజీ అప్డేట్ తాజాగా తెర‌పైకి వ‌చ్చింది. గత ఏడాది `మిస్ శెట్టి మిస్టర్ పోలి శెట్టి`తో మహేష్ బాబు ప్రేక్షకులను పలకరించి సూపర్ హిట్ అందుకున్నాడు. ఈ మూవీ అనంతరం ఇటీవల రామ్ కి ఓ డిఫరెంట్ స్టోరీ చెప్పి ఒప్పించాడట.
వీరిద్దరి కాంబో ప్రాజెక్ట్ ఆల్మోస్ట్ ఫిక్స్ అయ్యిందని టాలీవుడ్ ఫిల్మ్ స‌ర్కిల్స్ లో జోరుగా వార్తలు వైర‌ల్ అవుతున్నారు. మైత్రీ మూవీస్ సంస్థ నిర్మించబోతున్న ఈ చిత్రం సెప్టెంబర్ లో సెట్స్ మీదకు వెళ్లబోతోంది. ప్రస్తుతం పోస్ట్ ప్రొడక్షన్ పనులు జరుగుతున్నాయని సమాచారం.
