న‌ట‌సింహం నంద‌మూరి బాల‌కృష్ణ వార‌సుడు నంద‌మూరి మోక్షజ్ఞ తేజ త్వ‌ర‌లోనే వెండితెర‌పై అడుగుపెట్ట‌బోతున్న సంగ‌తి తెలిసిందే. హ‌నుమాన్ మూవీతో జాతీయ స్థాయిలో బిగ్ హిట్ అందుకున్న యంగ్ అండ్ టాలెంటెడ్ డైరెక్ట‌ర్ ప్రశాంత్ వర్మ.. మోక్షజ్ఞను హీరోగా ఇండ‌స్ట్రీలోకి లాంచ్ చేస్తున్నాడు. వీరి కాంబో ప్రాజెక్ట్ పై సెప్టెంబ‌ర్ లో అధికారిక ప్రకటన వెలువ‌డింది. మోక్షజ్ఞ ఫ‌స్ట్ లుక్ ను కూడా రివీల్ చేశారు.
ప్ర‌స్తుతం ప్రీ ప్రొడెక్ష‌న్ వ‌ర్క్ జ‌రుగుతుండ‌గా.. డిసెంబ‌ర్ 2 నుంచి రెగ్యుల‌ర్ షూట్ ను స్టార్ట్ చేసేందుకు ప్ర‌ణాళిక‌లు ర‌చిస్తున్నారు. ఇక‌పోతే మోక్షజ్ఞ, ప్రశాంత్ వర్మ మూవీలో హీరోయిన్ ఎవ‌రు అన్న‌ది ఇంకా అనౌన్స్ చేయ‌లేదు. చాలా రోజుల నుంచి యంగ్ సెన్సేష‌న్ శ్రీ‌లీల పేరు వినిపిస్తోంది. బాల‌య్య‌తో శ్రీ‌లీల‌కు మంచి అనుబంధం ఉంది. భ‌గ‌వంత్ కేస‌రి సినిమా చేస్తున్న టైమ్ లో శ్రీ‌లీల మోక్షజ్ఞను కూడా క‌లిసింది. అప్ప‌ట్లో వీరిద్ద‌రి ఫోటోలు నెట్టింట తెగ వైర‌ల్ అయ్యాయి.
మోక్షజ్ఞ డెబ్యూలో హీరోయిన్ శ్రీ‌లీలే అని అంద‌రూ అనుకున్నారు. కానీ ప్రశాంత్ వర్మ శ్రీ‌లీల‌కు షాక్ ఇచ్చార‌ట. ఆమెను ప‌క్క‌న పెట్టి మ‌రొక బ్యూటీని మోక్షజ్ఞకు జోడిగా ఎంపిక చేశార‌ని ప్ర‌చారం జ‌రుగుతోంది. సీనియర్ హీరోయిన్ రవీనా టాండన్ కూతురు రషా తడానీ మోక్షజ్ఞ మూవీలో హీరోయిన్ గా అల‌రించ‌బోతోంద‌ట. ఇటీవ‌లె రషా తడానీ ఆడిష‌న్స్ కు హాజ‌రు కాగా.. సంతృప్తి చెందిన ప్రశాంత్ వర్మ త‌న క‌థ‌తో క‌థానాయిక పాత్ర‌కు ఆమెనే ఖారారు చేశార‌ని టాక్ న‌డుస్తోంది.
