యువ సామ్రాట్ అక్కినేని నాగచైతన్య మ‌రోసారి ఓ ఇంటి వాడు కాబోతున్న సంగతి తెలిసిందే. గత కొంతకాలం నుంచి ప్రముఖ హీరోయిన్ శోభిత ధూళిపాళ్లతో ప్రేమాయణం నడుపుతున్న నాగచైతన్య.. ఆగస్టు 8న తమ బంధాన్ని అఫీషియల్ చేశాడు. గుర‌వారం ఉద‌యం 9.42 నిమిషాలకు ఆమెతో ఎంగేజ్మెంట్ చేసుకున్నాడు. అయితే త్వ‌ర‌లో మూడు ముళ్ళ బంధంతో ఒకటి కాబోతున్న నాగచైతన్య, శోభిత ఫ్యూచర్ పై ప్రముఖ సెలబ్రిటీ జ్యోతిష్యుడు వేణు స్వామి బిగ్ బాంబు పేల్చాడు. పెళ్లయిన మూడేళ్లకే వారు విడిపోతారు.. అందులో నో డౌట్ అంటూ వేణు స్వామి జోస్యం చెప్పారు. ఈ మేర‌కు ఓ వీడియోను సోషల్ మీడియాలో వ‌దిలారు.
`నాగ చైతన్య నిశ్చితార్థం శోభిత ధూళిపాళ్లతో జరిగినట్లు నాగార్జున గారు ప్ర‌క‌టించారు. ఉత్తర నక్షత్రంలో వారి ఎంగేజ్మెంట్ జరిగింది. నాగ చైతన్య రాశి కర్కాటక రాశి.. శోభిత ధూళిపాళ్లది ధనుస్సు రాశి. వారిద్ద‌రి జాతకాలు అస్స‌లు క‌ల‌వ‌లేదు. పైగా వారి నిశ్చితార్థానికి పెట్టిన ముహుర్తం కూడా సరిగా లేదు. జాతకం ప్రకారం.. పెళ్లి జ‌రిగిన మూడేళ్లకే నాగచైతన్య-శోభిత విడిపోతారు. 2027 నుంచి వారికి సమస్యలు మొదలయ్యే అవకాశం ఉంది. ఒక స్త్రీ మూలంగా చైతు-శోభిత మ‌ధ్య గొడ‌వ‌లు వ‌స్తాయి` అంటూ వేణు స్వామి చెప్పుకొచ్చారు.
`నాగ చైతన్య-సమంతకు జంట‌కు 100కి 50 మార్కులు వేస్తాను. అదే నాగ చైతన్య-శోభితకు 10 మార్కులే ఇస్తాను. 50 మార్కులు వేసిన సమంత విషయంలో ఏం జరిగిందో చూశారు. దాని బ‌ట్టి శోభిత వైవాహిక జీవితం ఎలా ఉంటుందో మీరే అర్థం చేసుకోండి. అలాగే ప్రొఫెష‌న‌ల్ లైఫ్ లో సమంత జాతకం అద్భుతంగా ఉంది. కానీ కెరీర్ పరంగా శోభితకు 20 శాతమే బాగుంది` అని వేణు స్వామి తెలిపారు.
ఫైన‌ల్ గా నాగ చైతన్య, శోభిత కలిసి ఉండేందుకు ఆస్కారం లేద‌ని.. ఒక స్త్రీ వ‌ల్ల ఖ‌చ్చితంగా వారు విడిపోతార‌ని వేణు స్వామి కుండ‌బ‌ద్ద‌లు కొట్టారు. తెలిసి తెలిసి తప్పు చేసి సమస్యల్లో చిక్కుకోకూడదనే ఇదంతా చెబుతున్నాన‌ని.. అందరూ బాగుండాలనేదే నా కోరిక అని వేణు స్వామి ఈ సంద‌ర్భంగా తెలిపాడు. దీంతో ఇప్పుడు వేణు స్వామి జోస్యం నెట్టింట కాక రేపుతోంది. అక్కినేని అభిమానులు వేణు స్వామి కామెంట్స్‌పై విరుచుకుప‌డుతున్నారు. కాగా, గ‌తంలో నాగ చైతన్య, సమంత విడాకులు తీసుకుంటార‌ని మొద‌ట చెప్పింది వేణు స్వామినే. అది నిజం కావ‌డంతో వేణు స్వామి ఫుల్ ఫేమ‌స్ అయ్యాడు. కానీ ఈ మ‌ధ్య ఆయ‌న ప్రిడిక్ష‌న్స్ తప్పు కావ‌డంతో ట్రోల‌ర్స్ వేణు స్వామిని ఓ ఆట ఆడుకుంటున్నారు.
