ఐకాన్ స్టార్ అల్లు అర్జున్ ప్ర‌స్తుతం భార్య, పిల్ల‌ల‌తో క‌లిసి హైదరాబాద్ లోని జూబ్లీ హిల్స్ లో నివాసం ఉంటున్న సంగ‌తి తెలిసిందే. అయితే త్వ‌ర‌లోనే త‌న ఇంటిని మ‌రియు ఆఫీస్‌ను మ‌రొక చోట‌కు షిఫ్ట్ చేయ‌బోతున్నాడ‌ని టాలీవుడ్ ఫిల్మ్ స‌ర్కిల్స్ లో జోరుగా ప్ర‌చారం జ‌రుగుతోంది. జూబ్లీహిల్స్‌లోని వెంకటగిరి ఏరియాలో త‌న అభిరుచుల‌కు మ‌రియు అవ‌స‌రాల‌కు అనుగుణంగా అల్లు అర్జున్ ఒక కొత్త ఇంటిని నిర్మించుకుంటున్నాడ‌ట.
3000 చదరపు అడుగుల వైశాల్యంలో అత్యంత విలాసంగా, అన్ని సౌక‌ర్యాల‌తో ఈ ఇంటి నిర్మిణం జ‌రుగుతోంది. ఆల్రెడీ ఇంటికి సంబంధించి 60 శాతం ప‌నులు పూర్తి అయ్యాయి. మ‌రో రెండు, మూడు నెల‌ల్లో మిగ‌తా వ‌ర్క్స్ కూడా కంప్లీట్ చేసి స‌తీస‌మేతంగా అల్లు అర్జున్ కొత్తింట్లో గృహ‌ప్ర‌వేశం చేయ‌నున్నాడ‌ని వార్త‌లు వ‌స్తున్నాయి.
రెబల్ స్టార్ కృష్ణం రాజు ఇంటికి సమీపంలో మ‌రియు మైత్రీ మూవీస్ ఆఫీస్ పక్కనే అల్లు అర్జున్ కొత్త ఇల్లు ఉంటుంద‌ట. ఈ ఇంట్లో బ‌న్నీకి ఆఫీస్, ఫ్యాన్స్ ను ఆయ‌న నేరుగా మీట్ అయ్యేందుకు స్పెష‌ల్ రూమ్స్ కూడా ఉంటాయ‌ని అంటున్నారు. కాగా, అల్లు అర్జున్ ప్ర‌స్తుతం పుష్ప 2 మూవీకి బిజీగా ఉన్న సంగ‌తి తెలిసిందే.
సుకుమార్ తెర‌కెక్కిస్తున్న ఈ చిత్రంలో ర‌ష్మిక మంద‌న్నా హీరోయిన్ గా న‌టిస్తోంది. పుష్ప ది రైజ్ పాన్ ఇండియా స్థాయిలో బాక్సాఫీస్ ను షేక్ చేయ‌డంతో.. పుష్ప 2పై అంచ‌నాలు తారా స్థాయిలో ఏర్ప‌డ్డాయి. చిత్రీక‌ర‌ణ ద‌శ‌లో ఉన్న పుష్ప 2 డిసెంబ‌ర్ 6న విడుద‌ల కానుంద‌ని మేక‌ర్స్ ప్ర‌క‌టించారు.
