జబర్దస్త్ షోలోని స్కిట్ లలో హైపర్ ఆది స్కిట్లు చాలా పాపులర్. త‌న‌దైన టైమింగ్‌తో….అదిరిపోయే పంచ్ లతో ప్రేక్ష‌కుల‌ను, జడ్జిలను హైపర్ ఆది కడుపుబ్బా నవ్విస్తుంటాడు. అయితే, అనూహ్యంగా ఈ మధ్యకాలంలో హైపర్ ఆది చేసిన ఓ స్కిట్…ఓ హీరో అభిమానులకు కోపం తెప్పించిందని టాక్ వస్తోంది. అంతేకాదు, ఆ హీరో మంచు విష్ణు అని, ఆది స్కిట్ తో హర్ట్ అయిన మంచు విష్ణు ఫ్యాన్…ఆదిపై దాడి చేశారని కూడా సోషల్ మీడియాలో నెటిజన్ల మధ్య పెద్ద చర్చ జరుగుతోంది.
దీపావళి సంద‌ర్భంగా చేసిన స్కిట్ లో మంచు విష్ణు బాడీ లాంగ్వేజ్‌ను హైపర్ ఆది ఇమిటేట్ చేసిన‌ట్లుగా ఆయన ఫ్యాన్స్ అంటున్నారు. ఈ క్రమంలోనే మంచు విష్ణు అభిమానులు హైపర్ ఆదిని కలిసి క్ష‌మాప‌ణ‌లు చెప్పాల‌ని కోరారట. కానీ, హైపర్ ఆది అందుకు నిరాక‌రించ‌డంతో ఆయ‌న‌పై వారు దాడి చేశారంటూ సోషల్ మీడియాలో ప్రచారం జరుగుతోంది. దీంతో, మంచు విష్ణు ఫ్యాన్, హైపర్ ఆది అభిమానుల మధ్య వెర్బల్ వార్ నడుస్తోంది.
అంతేకాదు, దీపావళి రోజున ప్ర‌సార‌మైన జబర్దస్త్ షోలో ఆది వేసిన కాంట్రవర్షియల్ పంచ్‌ల‌ను ఎడిటింగ్‌లో తీసేసే మరీ ప్రసారం చేశారు. కాబ‌ట్టి ఆది పంచ్ ల సీరియ‌స్‌నెస్‌ కరెక్టేననిపిస్తోంది. మరోవైపు, హైపర్ ఆదిపై దాడి జరిగి చాలా రోజులైందని, కానీ, దాన్ని బ‌య‌ట‌కు రానీయ‌కుండా మేనేజ్ చేస్తున్నారని ప్రచారం జరుగుతోంది.
అయితే, ఈ వ్యవహారంపై ఆది తాజాగా నేడు స్పందించాడు. తనపై గత రెండు రోజులుగా కొన్ని వెబ్ సైట్లలో, యూబ్యూబ్ ఛానెళ్లలో జరుగుతున్న ప్రచారాన్ని ఖండించాడు. తన కోసం కొందరు వెతుకుతున్నారని, తనపై దాడి చేసేందుకు చూస్తున్నారని వస్తున్న పుకార్లలో వాస్తవం లేదని ఆది క్లారిటీ ఇచ్చాడు. ఇలాంటివి నమ్మవద్దని, ఫేక్ న్యూస్ లు రాయవద్దని ఆ వెబ్ సైట్లకు సూచించాడు. ఒకవేళ డబ్బులు లేక అలా ఫేక్ న్యూస్ లు రాస్తుంటే సదరు వెబ్ సైట్లవారికి తానే డబ్బులిస్తానని కూడా పంచ్ వేశాడు ఆది. తామంతా హ్యాపీగా జబర్దస్త్ షూటింగ్ చేసుకుంటున్నామని ఓ వీడియో కూడా రిలీజ్ చేశాడు ఆది.
