వైఎస్ అధికారంలోకి వచ్చాక బిలియనీర్ గా మారిన బి. పార్థసారధి రెడ్డి కంపెనీ అయిన హెటిరో కంపెనీలో తాజాగా ఐటీ దాడులు జరిగాయి. హెటిరో గ్రూప్ ఛైర్మన్ బి. పార్థసారధి రెడ్డి హైదరాబాదు నుంచి రెండో అతిపెద్ద ధనవంతుడిగా వార్తల్లో నిలిచిన కొన్ని రోజుల తర్వాత ఐటీ సోదాలు జరగడం గమనార్హం.
హైదరాబాద్‌లోని ప్రముఖ ఫార్మాస్యూటికల్ కంపెనీ హెటిరో డ్రగ్స్ ఆవరణలో బుధవారం ఆదాయపు పన్ను శాఖ అధికారులు సోదాలు నిర్వహించారు.
అయితే, సంచలనం ఏంటంటే… ఈ కంపెనీలో వంద కోట్ల నగదు (లెక్కల్లో కనిపించని నగదు) అధికారులు స్వాధీనం చేసుకున్నట్లు వార్తలు వస్తున్నాయి. దీనిపై ఇంకా అధికారిక ప్రకటన రాలేదు.
వివిధ ఐటీ అధికారుల బృందాలు కార్పొరేట్ కార్యాలయం మరియు కంపెనీ ఉత్పత్తి కేంద్రాలలో సోదాలు నిర్వహిస్తున్నాయి. హెటెరో CEO మరియు డైరెక్టర్ల కార్యాలయాలు మరియు నివాసాలలో కూడా సోదాలు జరుగుతున్నాయి.
ఔషధ పదార్ధాల (API లు) ఉత్పత్తిదారులలో, దాని వ్యూహాత్మక వ్యాపార ప్రాంతాలు API లు, గ్లోబల్ జెనెరిక్స్, బయోసిమిలర్స్ మరియు కస్టమ్ ఫార్మాస్యూటికల్ సర్వీసుల్లో హెటిరో పనిచేస్తుంది. HIV/AIDS, ఆంకాలజీ, కార్డియోవాస్కులర్, న్యూరాలజీ, హెపటైటిస్, నెఫ్రాలజీ మొదలైన ప్రధాన చికిత్సా విభాగాల కోసం ఉత్పత్తులను తయారు చేస్తుంది.
హురున్ ఇండియా రిచ్ లిస్ట్ 2021 ప్రకారం, సంపన్న భారతీయుల జాబితాలో పార్థసారధి రెడ్డి మరియు హెటిరో ల్యాబ్స్ కుటుంబం 58 వ స్థానంలో ఉన్నాయి. అతని సంపద గత సంవత్సరంలో 88 శాతం పెరిగి రూ .26,100 కోట్లకు చేరింది. 2020లో పార్థసారథి రెడ్డి 81 వ స్థానంలో ఉన్నాడు.
