బాలీవుడ్ కావొచ్చు.. కోలీవుడ్ కావొచ్చు.. సినిమా వాళ్లకు సంబంధించిన ప్రేమాయణాల్ని.. రిలేషన్ షిప్పుల గురించి ఇట్టే బయటకు వచ్చేస్తుంటాయి. కానీ.. అందుకు భిన్నం టాలీవుడ్. లోగుట్టుగా ఎన్నో జరిగిపోతున్నా.. ఏ ఒక్కటి బయటకు రావడం ఉండదు. మిగిలిన వుడ్ లతో పోలిస్తే.. ఇక్కడి హీరోలు.. హీరోయిన్లకు సంబంధించిన గాసిప్స్ పెద్దగా వినిపించవు. ఒకవేళ బయటకు వచ్చినా.. ఆ విషయాన్ని సదరు నటి కానీ.. నటుడు కానీ తమకు తాము చెప్పేసి.. పెళ్లి ముచ్చట చెప్పే వేళలో మాత్రమే బయటకు వస్తాయి.
ఇటీవల కాలంలో టాలీవుడ్ హీరో.. హీరోయిన్లకు సంబంధించి బయటకు వచ్చిన గాసిప్ లో కీలకమైనది చైతూ.. సామ్ విడాకుల వ్యవహారం. దాదాపు ఏడాది పాటు సాగదీసి.. మొత్తానికి వారిద్దరూ వేర్వేరుగా ఉన్నారన్న విషయాన్ని చెప్పించేశారు. ఈ తీరుకు భిన్నంగా తాజాగా టాలీవుడ్ హీరోకు సంబంధించిన ఒక ప్రేమాయణం తాజాగా బయటకు వచ్చింది. ఇంతకూ ఆ హీరో ఎవరన్న విషయానికి వెళితే.
తాను చేసే ప్రతి సినిమాను కాస్తంత భిన్నంగా ఉండేలా చూసుకునే వారిలో ఒకరైన సందీప్ కిషన్.. సినిమాకు హిట్టు.. ఫట్టు లాంటివేమీ ఉండవు. తన దారిన తాను సినిమాలు చేసుకుంటూ పోతాడు. అతగాడి సినిమాలు కొన్ని కలెక్షన్లు సాధిస్తే..మరికొన్ని మాత్రం బాక్సాఫీస్ వద్ద బొక్కబోర్లా పడుతుంటాయి. ఈ మధ్యన తెలుగుతో పాటు తమిళంలో కూడా సినిమాలు చేస్తున్న అతగాడు.. బిజీ అవుతున్నాడు.
ఇదిలా ఉంటే.. సందీప్కిషన్ కు సంబంధించిన ఒక రూమర్ లేటెస్టుగా చక్కర్లు కొడుతోంది. అదేమంటే.. బాలీవుడ్ కు చెందిన యంగ్ హీరోయిన్ ఒకరితో సందీప్ కిషన్ లవ్ ట్రాక్ నడుపుతున్నట్లు చెబుతున్నారు. హిందీలో తీసిన బ్రోకెన్ బట్ బ్యూటీఫుల్ సీజన్ 3 వెబ్ సిరీస్ లో నటించి మంచి పేరు ప్రఖ్యాతుల్ని సొంతం చేసుకున్న నటి సోనియా రాథీ ఇప్పుడిప్పుడే బిజీ అవుతోంది. ఆమెతో సందీప్ ప్రేమాయణం నడుస్తోందని.. కాస్తంత సీరియస్ గానే సాగుతున్నట్లుగా చెబుతున్నారు. ఏ మాటకు ఆ మాటే చెప్పాలి.. ఇటీవల కాలంలో ఒక టాలీవుడ్ హీరో లవ్ ట్రాక్ గురించి వచ్చిన వార్త ఇదేనన్న మాట వినిపిస్తోంది.
