యంగ్ అండ్ టాలెంటెడ్ హీరో శ‌ర్వానంద్ గ‌త కొంత కాలం నుంచి వ‌రుస ఫ్లాపుల‌తో స‌త‌మ‌తం అవుతున్న సంగ‌తి తెలిసిందే. 2017లో వ‌చ్చిన `శతమానంభవతి` త‌ర్వాత ఈయ‌న హిట్టు ముఖ‌మే చూడ‌లేదు. దీంతో ఈ సారి ఎలాగైన స‌క్సెస్ ట్రాక్ ఎక్కాల‌ని `ఆడవాళ్ళు మీకు జోహార్లు` సినిమాతో ఇటీవ‌ల ప్రేక్ష‌కుల‌ను ప‌ల‌క‌రించాడు. కిశోర్‌ తిరుమల ద‌ర్శ‌క‌త్వం వ‌హించిన ఈ చిత్రాన్ని శ్రీ లక్ష్మీ వెంకటేశ్వర సినిమాస్ బ్యాన‌ర్‌పై సుధాకర్‌ చెరుకూరి నిర్మించారు.
ఇందులో ల‌క్కీ బ్యూటీ ర‌ష్మిక మంద‌న్నా హీరోయిన్‌గా న‌టించ‌గా.. 1980ల‌లో హీరోయిన్స్ గా ఒక వెలుగు వెలిగిన నటీమణులు ఖుష్బూ, రాధిక, ఊర్వశి కీల‌క పాత్ర‌ల‌ను పోషించారు. దేవి శ్రీ ప్ర‌సాద్ సంగీత ద‌ర్శ‌కుడిగా వ్య‌వ‌హ‌రించాడు. ఔట్ అండ్ ఔట్ ఫ్యామిలీ ఎంట‌ర్‌టైన‌ర్‌గా రూపొందిన ఈ చిత్రం మార్చి 4న విడుద‌లై.. నెగ‌టివ్ టాక్ సొంతం చేసుకుంది. క‌థ రోటీన్‌గా ఉండ‌టం, ఊహ‌కు త‌గ్గ‌ట్టుగా సాగే క‌థ‌నం, భావోద్వేగాలు బ‌లంగా లేక‌పోవ‌డం, ప్రేక్ష‌కుల‌ను థ్రిల్ చేసే ట్విస్టులు ఉండ‌క‌పోవ‌డం సినిమాకు మైన‌స్‌లుగా మారాయి.
యావ‌రేజ్ టాక్ ఉండ‌టంతో.. ఈ మూవీ బాక్సాఫీస్ వ‌ద్ద ఓ మాదిరి క‌లెక్ష‌న్ల‌ను రాబ‌ట్టింది. ఇక తాజాగా ఈ మూవీ క్లోజింగ్ క‌లెక్ష‌న్ల లెక్క‌లు బ‌య‌ట‌కు వ‌చ్చి.. నెట్టింట వైర‌ల్‌గా మారాయి. వాటి ప్ర‌కారం.. నైజాంలో రూ. 2.61 కోట్లు, సీడెడ్‌లో రూ. 0.77 కోట్లు, ఉత్తరాంధ్రలో రూ. 0.86 కోట్లు, ఈస్ట్ గోదావ‌రిలో రూ. 0.51 కోట్లు, వెస్ట్ గోదావ‌రిలో రూ. 0.39 కోట్లు, గుంటూరులో రూ. 0.49 కోట్లు, కృష్ణాలో రూ. 0.47 కోట్లు, నెల్లూరులో రూ. 0.30 కోట్లు, రెస్ట్ ఆఫ్ ఇండియాలో రూ. 0.40 కోట్లు, ఓవర్సీస్‌లో రూ. 0.92 కోట్లు క‌లెక్ట్ చేసిన ఈ చిత్రం.. వ‌ర‌ల్డ్ వైడ్‌గా మొత్తం రూ. 7.72 కోట్ల షేర్ వ‌సూల్ చేసింది.
కాగా, ప్ర‌పంచ‌వ్యాప్తంగా రూ. 16 కోట్ల ప్రీ రిలీజ్ బిజినెస్ చేసిన ఆడవాళ్ళు మీకు జోహార్లు.. రూ.16.5 కోట్ల టార్గెట్‌తో బ‌రిలోకి దిగింది. కానీ, లాంగ్ ర‌న్‌లో రూ. 7.72 కోట్లనే రాబ‌ట్ట‌గ‌ల‌గడంతో.. ఈ సినిమాను కొన్న బయ్యర్లకి దాదాపు రూ.8 కోట్ల వరకు లాస్ వ‌చ్చింద‌ని టాక్ న‌డుస్తోంది. మొత్తానికి ఆడవాళ్లను న‌మ్ముకున్నా.. శ‌ర్వా మ‌రో ఫ్లాప్ నుంచి త‌ప్పించుకోలేక‌పోయాడు.
