ప్రస్తుతం సోషల్ మీడియాలో పవన్ కళ్యాణ్ త్రోబ్యాక్ ఫోటో ఒకటి వైరల్ అవుతుంది. మీకు పైన కనిపిస్తున్న ఫోటో అదే. అయితే అందులో పవన్ కళ్యాణ్ చేతిలో ఉన్న చిన్నారి ఎవరో గుర్తుపట్టారా..? మెగా ఫ్యామిలీకి చెందిన అమ్మాయి అయితే అస్సలు కాదు. టాలీవుడ్ స్టార్ హీరో కూతురు ఆమె. ఎటువంటి సినీ నేపథ్యం లేనటువంటి కుటుంబం నుంచి వచ్చిన సదరు హీరో.. చిన్న చిన్న పాత్రలతో కెరీర్ ప్రారంభించాడు. ఎన్నో కష్టాలు పడి హీరోగా నిలదొక్కుకున్నాడు.
తనదైన ప్రతిభా, స్వయంకృషితో స్టార్ ఇమేజ్ ను సంపాదించుకున్నాడు. ఇంతకీ ఆ హీరో మరెవరో కాదు.. మాస్ మహారాజా రవితేజ. పైన ఫోటోలో కనిపిస్తున్న అమ్మాయి రవితేజ కూతురు మోక్షధా. గ‌తంలో ఒక సినిమా సెట్స్ లో తీసుకున్న పిక్ అది. రవితేజకు ఇద్దరు సంతానం అన్న సంగతి తెలిసిందే. కూతురు మోక్షధా కాగా.. కుమారుడు మహాధన్. రవితేజ నటించిన రాజా ది గ్రేట్ మూవీతో మహాధన్ చైల్డ్ ఆర్టిస్ట్ గా వెండితెరకు పరిచయం అయ్యాడు.
అందులో రవితేజ చిన్ననాటి పాత్రను మహాధన్ పోషించాడు. ఆ తర్వాత మళ్లీ అత‌ను ఆన్ స్క్రీన్ పై కనిపించలేదు. మోక్షధా విషయానికి వస్తే.. ఫారెన్ లో ఈమె తన స్టడీస్ ను కంప్లీట్ చేసే పనిలో ఉంది. స్టార్ హీరో కూతురు అయినప్పటికీ మీడియా ఫోకస్ తనపై పడేందుకు మోక్షధా ఇష్టపడదు. సోషల్ మీడియాలో కూడా చాలా అరుదుగా కనిపిస్తుంటుంది. ఇక గ్లామర్ పరంగా మోక్షధా హీరోయిన్లకు ఏమాత్రం తీసిపోని విధంగా ఉంటుంది. అయినా సరే ఇండస్ట్రీ లోకి వచ్చే ఉద్దేశం మోక్షధాకు లేదని ఇన్సైడ్ టాక్. కాగా, రవితేజ ప్రస్తుతం మిస్టర్ బచ్చన్ మూవీతో బిజీగా ఉన్నాడు. హ‌రీష్ శంక‌ర్ డైరెక్ట్ చేస్తున్న ఈ చిత్రం చిత్రీక‌ర‌ణ ద‌శ‌లో ఉంది. ఇందులో బాలీవుడ్ బ్యూటీ భాగ్యశ్రీ బోర్సే హీరోయిన్ గా న‌టిస్తోంది.
