మాస్ కా బాప్, (NBK)నందమూరి నటసింహం బాలకృష్ణ హీరో హోస్ట్ గా వ్యవహరిస్తోన్న ‘అన్ స్టాపబుల్’ టాక్ షోకు అద్భుతమైన రెస్పాన్స్ వచ్చిన సంగతి తెలిసిందే. తొలిసారి ఓ టాక్ షోకు హోస్ట్ గా వ్యవహరించిన బాలయ్య దుమ్మురేపడంతో ఆ షో ఐఎండీబీ రేటింగ్స్ లోనూ రికార్డ్ క్రియేట్ చేసింది. ఈ క్రమంలోనే తాజాగా ఈ షో రెండో సీజన్ మొదలు కాబోతోంది. రెండో సీజన్ లో తొలి ఎపిసోడ్ కు టీడీపీ అధినేత నారా చంద్రబాబునాయుడు, నారా లోకేష్ లు హాజరు కాబోతున్న సంగతి తెలిసిందే.
ఈ షో సెట్స్ లో బాలయ్య, చంద్రబాబులు కలిసి దిగిన ఫొటో సోషల్ మీడియాలో వైరల్ గా మారింది. అయితే, చంద్రబాబు రావడం పక్కా అని తేలినా… తొలి ఎపిసోడ్ కే చంద్రబాబు వస్తారా లేదంటే మరో ఎపిసోడ్ కు వస్తారా అన్న డైలమా టీడీపీ అభిమానులుకు ఉంది. ఈ క్రమంలోనే తాజాగా ఆ విషయం కన్ ఫర్మ్ అయింది. అక్టోబర్ 14వ తేదీన ఈ ఎపిసోడ్ ఆహా ఓటీటీలో స్ట్రీమ్ కానుందని అఫీషియల్ గా కన్ఫర్మ్ అయింది.
ఈ షోలో అతిథులను బాలయ్య బాబు తన ప్రశ్నలతో తికమక పెడుతున్న సంగతి తెలిసిందే. ఈ షోకు వచ్చిన గెస్ట్ లు గతంలో ఎవరితో, ఎక్కడా పంచుకోని విషయాలను బాలయ్యతో షేర్ చేసుకున్న సందర్భాలూ ఉన్నాయి. ఈ క్రమంలోనే బావగారైన చంద్రబాబును బాలయ్య ఎటువంటి ప్రశ్నలు అడగబోతున్నారన్నది ఆసక్తికరంగా మారింది. ఇక, చంద్రబాబు విషయానికొస్తే చాలా సటిల్ గా..ఆచితూచి సమాధానమిస్తుంటారు.
ఇంకా చెప్పాలంటే జాతీయ మీడియా చానెళ్లలో సైతం ఇంటర్వ్యూలు ఫేస్ చేసిన చంద్రబాబు..ఈ తరహా ఎంటర్ టైన్ మెంట్ షోలో గెస్ట్ గా పాల్గొనడం బహుశా ఇదే తొలిసారి కావచ్చు. ఈ నేపథ్యంలోనే బాలయ్య – చంద్రబాబుల మధ్య ఎపిసోడ్ పై నందమూరి, టీడీపీ అభిమానులతో పాటు యావత్ తెలుగు ప్రేక్షకులోనూ ఆసక్తి ఏర్పడింది. ఏది ఏమైనా, ఆ రోజు ఆహా ఓటీటీలో అత్యధికంగా వీక్షించిన ఎపిసోడ్ గా బాలయ్య-చంద్రబాబుల ఎపిసోడ్ రికార్డ్ క్రియేట్ చేస్తుందని నందమూరి, టీడీపీ అభిమానులు ధీమా వ్యక్తం చేస్తున్నారు.
