ఆంధ్రప్రదేశ్ ముఖ్యమంత్రిగా టీడీపీ అధినేత చంద్రబాబు నాయుడు నాలుగోసారి ప్రమాణం చేసి కొత్త రికార్డు సృష్టించబోతున్నారు. ఈ నేపథ్యంలో అమిత్ షా ఈ రోజు రాత్రికే గన్నవరం చేరుకోబోతున్నారు. రాత్రి 10:20 గంటలకు టీడీపీ అధినేత చంద్రబాబుతో గంట పాటు సమావేశం కానున్నారు. చర్చల అనంతరం రాత్రికి 11:20కి నోవోటెల్ కు చేరుకుని అక్కడే బస చేయనున్నారు. రేపు చంద్రబాబు ప్రమాణ స్వీకారంలో పాల్గొంటారు.
రేపు ప్రమాణస్వీకారం అయితే ఈ రోజు చంద్రబాబుతో అమిత్‌షా భేటీ ఏంటి అన్నది చర్చానీయాంశంగా మారింది. కేబినెట్‌ కూర్పు కూటమి ప్రభుత్వంలో బీజేపీ పాత్ర తదితర అంశాలపై ప్రధానంగా చర్చిస్తారని సమాచారం.
రేపు ప్రభుత్వ ఏర్పాటు నేపథ్యంలో
కేబినెట్‌ కూర్పుపై చంద్రబాబు కసరత్తు చేస్తున్నారు. టీడీపీ ఎమ్మెల్యేలతో పాటు జనసేన, బీజేపీ ఎమ్మెల్యేలకు కూడా తన కేబినెట్‌లో సముచిత స్థానం కల్పించడంపై దృష్టిసారించారు. చంద్రబాబు ప్రమాణస్వీకారోత్సవానికి ప్రధాని నరేంద్ర మోడీ, అమిత్ షాతో పాటు చిరంజీవి విశిష్ట అతిథిగా హాజరవుతున్నారు.
