బాలీవుడ్‌లో టాప్ హీరోయిన్‌గా వెలుగుతోంది. టాలీవుడ్‌లో అడుగుపెట్టింది. ఇప్పుడు హాలీవుడ్‌కి కూడా వెళ్తోంది ఆలియా భట్. ఓ ప్రెస్టీజియస్‌ సినిమాలో నటించబోతోంది. బాలీవుడ్ హీరోయిన్లు హాలీవుడ్‌లో నటించడం ఇదే మొదటిసారి కాదు. ఇప్పటికే చాలామంది వెళ్లారు. ఇప్పుడు ఆలియా కూడా ఆ వరుసలో చేరుతోంది.
నెట్‌ఫ్లిక్స్ తీయబోతున్న ఇంటర్నేషనల్ స్పై థ్రిల్లర్‌‌లో కీలక పాత్రలో కనిపించబోతోంది ఆలియా. ఫాస్ట్ అండ్ ఫ్యూరియస్, వండర్‌ వుమన్, జస్టిల్ లీగ్‌ వంటి సెన్సేషనల్ చిత్రాల్లో నటించిన ఫేమస్ హీరోయిన్‌ గాల్ గడాట్‌తో కలిసి స్క్రీన్‌ షేర్‌ చేసుకోబోతోంది. ‘హార్ట్ ఆఫ్ స్టోన్‌’ టైటిల్‌తో తెరకెక్కుతున్న ఈ చిత్రానికి టామ్ హార్పర్‌ డైరెక్ట్ చేస్తున్నాడు.
రాజీ, గల్లీబోయ్, హైవే లాంటి చిత్రాల్లోని నటనతో విదేశీయుల్ని సైతం ఆకట్టుకుంది ఆలియా భట్. రీసెంట్‌గా రిలీజైన గంగూబాయ్ కథియావాడి కూడా ఓవర్‌‌సీస్‌ ఆడియెన్స్‌ని ఇంప్రెస్ చేసింది. ఇప్పుడు డైరెక్ట్‌గా హాలీవుడ్‌ సినిమాతోనే వారి ముందుకు వెళ్లబోతోంది.
