టీడీపీ అధినేత చంద్రబాబు నాయుడు 2012లో చేసిన పాదయాత్రకు పదేళ్లు పూర్తయ్యాయి. 2012లో ఈ పాదయాత్ర మొదలైంది.
2012 అక్టోబర్ 2 వ తేదీన ప్రారంభమైన వస్తున్నా మీకోసం పాదయాత్ర 208 రోజుల పాటు సాగింది.
వస్తున్నా మీకోసం పాదయాత్రకు ఆదివారంతో 10 ఏళ్లు పూర్త‌వడంతో పలువురు పార్టీ నేతలు, కార్యకర్తలు అధినేతను హైదరాబాద్ లోని ఆయన నివాసంలో కలిశారు.
ఆ నాటి పాదయాత్ర విశేషాలను గుర్తు చేసుకుంటూ కార్యకర్తల కోరిక మేరకు చంద్రబాబు కేక్ కట్ చేశారు.
ప్రజా సమస్యలు తెలుసుకునేందుకు 63 ఏళ్ల వయసులో చంద్రబాబు నాయుడు 2,817 కిలోమీటర్ల మేర పాదయాత్ర చేయడం అప్పట్లో సంచలనం అయ్యింది.
ఈ సందర్భంగా అప్ప‌టి పాద‌యాత్ర‌లో తీసిన అపురూప చిత్రాల‌తో కూడిన ఫొటో ఎగ్జిబిష‌న్‌ను ఏర్పాటు చేశారు. ఆనాటి వీడియోలను కూడా ప్ర‌ద‌ర్శించారు. ఈ సందర్భంగా చంద్రబాబు మాట్లాడుతూ.. ప్ర‌జ‌ల‌లో ఉండ‌డం.. ప్ర‌జ‌ల‌తో క‌లిసి తిరగ‌డం.. అపురూప‌మైన అనుభూతి అన్నారు.
మళ్లీ పాదయాత్ర
అపుడు తండ్రి ఇపుడు కొడుకు… నాన్న పాదయాత్రను రిపీట్ చేయడానికి లోకేష్ సిద్ధమయ్యారు. కుప్పం నుంచి శ్రీకాకుళం వరకు మొత్తం 26 జిల్లాలను కవర్ చేస్తూ లోకేష్ పాదయాత్ర చేయనున్నారు.
