మంత్రి ‘నారా లోకేష్’ తనయుడు ‘నారా దేవాన్ష్’ చెస్ లో వేగవంతంగా పావులు కదపడంలో ప్రపంచ రికార్డు సాధించాడు.
9 ఏళ్ల ‘నారా దేవాన్ష్’ “వేగవంతమైన చెక్మేట్ సాల్వర్ – 175 పజిల్స్” ప్రపంచ రికార్డును సాధించాడు.
ప్రతిష్టాత్మకమైన వరల్డ్ బుక్ ఆఫ్ రికార్డ్స్, లండన్ నుండి అధికారిక ధృవీకరణను అందుకున్నందుకు ‘నారా’ కుటుంబం ఆనందం వ్యక్తం చేసింది.
వ్యూహాత్మకమైన ఆటతీరు, థ్రిల్లింగ్ ప్రదర్శనతో యువ చెస్ ప్రాడిజీ ‘నారా దేవాన్ష్’ “చెక్మేట్ మారథాన్” పేరుతో ప్రపంచ రికార్డును నెలకొల్పాడు.
ఈ రికార్డ్లో ‘నారా దేవాన్ష్’ క్రమక్రమంగా సవాలు చేసే చెక్మేట్ పజిల్ల క్రమాన్ని పరిష్కరించాడు.
ప్రసిద్ధ చెస్ సంకలనం నుండి ఎంపిక చేసిన 5334 సమస్యలు, కలయికల ద్వారా ఈ పోటీని రూపొందించారు.
తల్లిదండ్రుల ప్రోత్సాహం, కోచ్ మార్గదర్శకత్వంతో ‘నారా దేవాన్ష్’ ఈ రికార్డును సాధించగలిగాడు.
మరో 2 రికార్డులు కూడా ‘నారా దేవాన్ష్’ సొంతం!
ఇదిలావుండగా ఇటీవల ‘నారా దేవాన్ష్’ మరో రెండు ప్రపంచ రికార్డులను కూడా సాధించాడు.
అతను 7 డిస్క్ టవర్ ఆఫ్ హనోయిని కేవలం 1నిమి 43సెకన్లలో పూర్తి చేసాడు.
9 చెస్ బోర్డ్లను కేవలం 5నిమిషాల్లో అమర్చాడు, మొత్తం 32 ముక్కలను వేగవంతంగా సరైన స్థానాల్లో ఉంచాడు.
‘నారా దేవాన్ష్’ ప్రపంచ రికార్డు ప్రయత్నాలను న్యాయనిర్ణేతలు, లండన్లోని వరల్డ్ బుక్ ఆఫ్ రికార్డ్స్ అధికారులు క్షుణ్ణంగా పరిశీలించారు.
పట్టుదల, కృషి ద్వారా తమ కలలను సాధించవచ్చని ‘నారా దేవాన్ష్’ నిరూపించాడు.
ఇది భారతీయ పిల్లల అపారమైన ప్రతిభకు, వారిలో దాగివున్న అత్యుత్తమ నైపుణ్యాలకు మచ్చుతునక.
సరైన ఎక్స్పోజర్, మార్గదర్శకత్వంతో మన పిల్లలు ఉన్నతస్థానానికి చేరుతారనడానికి ‘నారా దేవాన్ష్’ నిదర్శనం.
‘నారా దేవాన్ష్’ మెరుగు వేగాన్ని కళ్లారా చూశాను-తండ్రి ‘లోకేష్’!!!
పిన్నవయసులో తనయుడు ‘నారా దేవాన్ష్’ ‘ సాధించిన ఈ విజయంపై తండ్రి లోకేష్ స్పందిస్తూ…“’ దేవాన్ష్’ లేజర్ షార్ప్ ఫోకస్తో శిక్షణ పొందడం నేను ప్రత్యక్షంగా చూశాను.
క్రీడను ఉత్సాహంగా స్వీకరించాడు.
అతను గ్లోబల్ అరేనాలో భారతీయ చెస్ క్రీడాకారుల అద్భుతమైన, చారిత్రాత్మక ప్రదర్శనల నుండి ప్రేరణ పొందాడు.
‘నారా దేవాన్ష్’ కు చెస్ పాఠాలు నేర్పిన ‘రాయ్ చెస్ అకాడమీ’కి నేను ధన్యవాదాలు చెబుతున్నాను” అన్నారు.
ఈ ఈవెంట్ కోసం ‘దేవాన్ష్’ గత కొన్ని వారాలుగా రోజుకు 5-6 గంటల పాటు శిక్షణ పొందుతున్నాడు.
‘నారా దేవాన్ష్’ కోచ్ కె. రాజశేఖర్ రెడ్డి ఈ విజయంపై స్పందిస్తూ ‘నారా దేవాన్ష్’ సృజనాత్మకంగా చెస్ నేర్చుకునే ఒక డైనమిక్ విద్యార్థి.
175 సంక్లిష్టమైన పజిల్స్ని ఆసక్తిగా పరిష్కరించగలిగిన ఆయన మానసిక చురుకుదనం అపారం.
అతని చదరంగం ప్రయాణంలో ఇదొక మైలురాయి అని నేను విశ్వసిస్తున్నాను” అన్నారు.
నా చిన్న గ్రాండ్ మాస్టర్ దేవాన్ష్ ప్రతిభను చూసి ఎంతో గర్విస్తున్నా – వేగవంతమైన చెక్ మేట్ సాల్వర్-175 పజిల్స్ సాధించిన దేవాన్ష్ కు అభినందనలు – కృషి, అంకితభావం, పట్టుదల విజయానికి కీలకం – ఈ విజయం కోసం నెలలు తరబడి దేవాన్ష్ కృషి చేశారు : సీఎం చంద్రబాబు!!