గాన కోకిల లతా మంగేష్కర్ ఇటీవల కన్ను మూసిన సంగతి తెలిసిందే. దేశం గర్వించదగ్గ గాయనికి కడసారి వీడ్కోలు పలికేందుకు చాలామంది సినీ, రాజకీయ ప్రముఖులు తరలివచ్చారు. ఈ క్రమంలోనే లతా మంగేష్కర్ భౌతికకాయాన్ని షారుఖ్‌ సందర్శించి నివాళులర్పించారు. లతా మంగేష్కర్ పాదాలను తాకిన కింగ్ ఖాన్ ఆమె ఆత్మకు శాంతి కలగాలని చేతులు జోడిండి తన మత సంప్రదాయం ప్రకారం ప్రార్థించారు.
ఆ తర్వాత ఇస్లాం సంప్రదాయం ప్రకారం లతా ఆత్మకు శాంతి కలగాలని అల్లాకు దువా చేసి…ఆ తర్వాత లతాజీ భౌతికకాయం పై షారుక్ ఊదారు. ఈ క్రమంలోనే లతాజీకి షారుక్ నివాళులర్పించిన వీడియోపై కొందరు పెను దుమారం రేపారు. లతాజీ పాదాల వద్ద షారుక్ ఉమ్మేశారంటూ కొందరు సోషల్ మీడియాలో దుష్ప్రచారం చేశారు. తనపై వస్తున్న కామెంట్స్ పై షారుక్ రియాక్ట్ కాలేదు. కానీ, ఆ వీడియోపై బాలీవుడ్ నటి ఊర్మిళ స్పందించారు.
అది ప్రార్ధనలో ఒక భాగమని తెలుసుకోకుండా…ప్రార్ధనను కూడా ఉమ్మి వేయడం అనుకునే సమాజంలో మనం బ్రతుకుతున్నామని ఊర్మిళ ఘాటుగా రియాక్టయ్యారు. ఇండియన్ సినిమాను అంతర్జాతీయ ఫార్మేట్ లో నిలబెట్టిన షారుక్ గురించి ఇలా నెగిటివ్ కామెంట్స్ చేయడం బాధాకరమని ఊర్మిళ ఆవేదన వ్యక్తం చేశారు. ఇక, ఈ విషయంలో బాలీవుడ్ బాద్షాహ్ కు హీరోయిన్ శృతి హాసన్ కూడా బాసటగా నిలిచింది. లతాకు షారుక్ నివాళి అర్పించిన ఫొటోను తన ఇన్ స్టాగ్రామ్ పేజీలో పోస్ట్ చేసిన శృతి హాసన్ …‘లవ్ దిస్ మ్యాన్.. ఆల్వేస్ ఆల్వేస్’ అంటూ క్యాప్షన్ పెట్టింది.
