పవర్ స్టార్ పవన్ కల్యాణ్ కమ్ జనసేన పార్టీ అధ్యక్షులు.. తెలుగు ప్రజలకు ప్రత్యేకంగా పరిచయం చేయాల్సిన అవసరం లేని పేర్లలో ఇదొకటి. ఆకాశమంత ఇమేజ్ ఉన్న ఆయనపై.. విమర్శల్ని ఎక్కు పెట్టే వారు తక్కువ లేదు. టాలీవుడ్ లో అగ్రశ్రేణి హీరోలు ఎంతమంది ఉన్నా.. మిగిలిన వారికి భిన్నంగా.. ప్రత్యేకంగా ఉంటారు పవన్ కల్యాణ్. సాయం కోసం ఎవరైనా వచ్చినంతనే వారికి తన దగ్గర లేకున్నా.. ఎవరికైనా చెప్పి మరీ సాయం అందించే లక్షణం పవన్ సొంతం.
అంతేకాదు..పరిశ్రమలో ఎవరికైనా ఎలాంటి వ్యక్తిగత కష్టం వచ్చినట్లు తెలిసినంతనే తనకు తానుగా స్పందించే గుణం ఆయనలో ఎక్కువనే చెబుతారు.ఇదే ఆయన్ను మిగిలిన వారికి భిన్నంగా మార్చింది. ప్రత్యేకమైన ఇమేజ్ ను సొంతం చేసింది. అయితే.. పవన్ ఎంత పెద్ద హీరో అయినా.. ఆయన వస్త్రధారణ సాదాసీదాగా ఉంటుంది. నిజానికి ఆయన చేతికి ఖరీదైన వాచ్ కానీ.. చేతికి బంగారు ఉంగరాలుకానీ పెట్టుకోవటం కనిపించరు. కానీ.. నాలుగైదేళ్ల క్రితం ఒక బంగారు ఉంగరాన్ని ఆయన పెట్టుకున్నారు.
కట్ చేస్తే.. తాజాగా ఆయన చేతికి రెండో ఉంగరం రావటం ఆసక్తికరంగా మారింది. సాదాసీదాగా ఉండే పవన్ చేతికి వచ్చినరెండో ఉంగరం పలువురిని ఆకర్షిస్తోంది.వకీల్ సాబ్ సినిమా ఫంక్షన్ నేపథ్యంలో ఆయన చేతి మీదకు కెమేరాలు వెళ్లటంతో.. పవన్ చేతికి ఉన్న రెండో ఉంగరం మీద ఆసక్తికర చర్చ నడుస్తోంది. ఈ బంగారు ఉంగరం.. పడగవిప్పిన నాగుపామును పోలి ఉండటం ఆసక్తికరంగా మారింది. సాధారణంగా ఈ తరహా బంగారు ఉంగరాల్ని అయితే.. ఏదైనా దోషం ఉంటేనో.. మరింకేదైనా ప్రత్యేక కారణం ఉంటేనే ధరిస్తారని చెబుతారు.
అయితే.. తాజాగా ఆయననటిస్తున్న హరిహర వీరమల్లుచిత్రంలో భాగంగా ధరించినట్లు చెబుతున్నారు. తాజా ఫంక్షన్లో పవన్ మెడలో ఉన్న తాయిత్తు కూడా ఉండటం కనిపించింది. సినిమాలో పాత్ర కోసం పెట్టుకొని ఉంటారని.. నచ్చి అలా వేలికి ఉంచేసుకున్నట్లుగా కొందరు చెబుతున్నారు. అదేమీ కాదని.. ఆయన నమ్మిన పండితుల సూచన మేరకు ఈ ఉంగరం పెట్టుకున్నట్లుగా ఆయన సన్నిహితులు చెప్పటం గమనార్హం.
