యన్. ఆర్. ఐ తెలుగుదేశం కువైట్ , తెలుగు యువత విభాగం ఆద్వర్యంలో ఏప్రిల్ 20వ తేదీ చంద్రన్న పుట్టినరోజున చంద్రునికో నూలు పోగు అన్న చందాన “నీవే మాకు ప్రాణం చంద్రన్న” అనే ప్రత్యేక గీతాన్ని ఆవిష్కరించబోతున్నారు. ఈ ప్రత్యేక గేయాన్ని ప్రముఖ సినీ నేపద్య గాయకులు, సంగీత దర్శకులు శ్రీ ప్రవీణ్ కుమార్ కొప్పోలు మధురంగా పాడిన గీతాన్ని పార్టీ నాయకులు, కార్యకర్తల సమక్షంలో ఆవిష్కరించ బోతున్నామని అద్యక్షులు వెంకట్ కోడూరి , ప్రధాన కార్యదర్శి నాగేంద్రబాబు తెలిపారు.
సమర్పకులైన తెలుగు యువత విభాగం అధ్యక్షులు మారోతు మల్లికార్జున మాట్లాడుతూ “నీవే మాకు ప్రాణం చంద్రన్నా” శీర్షిక పాట కోసం కాదు, నిజంగానే ఆయనన్నా, పార్టీ అన్నా మాకు ప్రాణం. అలాగే ఆంధ్రరాష్ట్ర తెలుగుయువత అధ్యక్షులు శ్రీరామ్ చిన్నబాబు గారి స్పూర్తితో మరియు బలరామ్ నాయుడు గారి సహాయ సహకారాలతో మేమంతా ముందుకు నడుస్తాము అని అన్నారు. యన్. ఆర్. ఐ తెలుగుదేశం కువైట్ కార్యకర్తలు, అభిమానులు , సానుభూతి పరులు ఈ కార్యక్రమాన్ని విజయవంతంగా చేయాలని జాయింట్ సెక్రెటరీ మోహన్ రాచూరి , మైనారిటీ విభాగం “అధ్యక్షులు షేక్ రహమతుల్లా” బీసీ విభాగం “ అధ్యక్షులు రాము యాదవ్, సోషల్ మీడియా coordinators రాణి చౌదరి గారు, తుమ్మల మహేశ్ గారు కోరుచున్నారు.
