నవ్వుతూ బతకాలిరా తమ్ముడూ…నవ్వుతూ సావాలిరా…అని ఓ సినిమా పాటను ఏపీ సీఎం జగన్ ఆదర్శంగా తీసుకున్నట్లు కనిపిస్తోందని సోషల్ మీడియాలో విమర్శలు వస్తున్న సంగతి తెలిసిందే. ‘‘ఆయన నవ్వులకు లోటుండదు. సమయం, సందర్భం లేకుండా నవ్వుతుంటారు’’ అని జనసేన అధినేత పవన్ కల్యాణ్ విమర్శలు గుప్పించింది మొదలు..జగన్ పై సోషల్ మీడియాలో ఓ రేంజ్ లో ట్రోలింగ్ జరుగుతోంది. జగన్ నవ్వుల వీడియోలను బ్రహ్మీ కామెడీ వీడియోల రేంజ్ లో వాడేస్తున్నారు నెటిజన్లు
రకరకాల మీమ్స్, ట్రోల్స్ తో యాంటీ వైసీపీ అభిమానులైతే రెచ్చిపోతున్నారు. ఈ నేపథ్యంలోనే తాజాగా జగన్ ను ప్రముఖ సినీ నటుడు మోహన్ బాబు తనయురాలు, నటి మంచు లక్ష్మి కూడా ట్రోల్ చేయడం సంచలనం రేపుతోంది. జగన్ ను ట్రోల్ చేస్తూ ఓ నెటిజన్ షేర్ చేసిన వీడియోకు మంచు లక్ష్మి కామెంట్ చేయడం దుమారం రేపింది. దీంతో, మంచు లక్ష్మిని వైసీపీ అభిమానులు రివర్స్ లో ట్రోల్ చేస్తున్నారు.
ఇటీవల జరిగిన అన్ని రాష్ట్రాల మఖ్యమంత్రుల సమావేశంలో సీఎం జగన్ కెమెరాను చూసి నవ్విన వీడియో వైరల్ అయ్యింది. దీంతో, ‘‘పరీక్ష గదిలో ప్రశ్నా పత్రాన్ని చూసిన తర్వాత నా ముఖ చిత్రం’’ అని క్యాప్షన్ పెట్టి ఆ వీడియోను ఓ నెటిజన్ షేర్ చేశాడు. ఆ వీడియో కాస్తా వైరల్ కావడం, అది మంచు లక్ష్మి కంటబడడం చకచకా జరిగిపోయాయి. ఫన్నీగా ఉన్న ఆ వీడియో చూసి ‘లోల్’ అని కామెంట్ చేశారు మంచు లక్ష్మి.
ఇంకేముందు, మా జగనన్నను ట్రోల్ చేస్తావా అంటూ మంచు లక్ష్మిపై వైసీపీ అభిమానులు ట్రోలింగ్ మొదలెట్టారు. జగనన్న అనవసరంగా చేరదీశాడు మిమ్మల్ని. జగన్ అన్ననే ట్రోల్ చేస్తావా అంటూ వైసీపీ ఫ్యాన్స్ కామెంట్స్ చేస్తున్నారు. ఇంక మీ సినిమాలు ఏపీలో రిలీజ్ చేసినట్టే.. అసలే కాలేజీలకు రావాల్సిన ఫీజు రీ ఇంబర్స్ మెంట్ బకాయి డబ్బులు ఇవ్వట్లేదని పెద్దాయన మోహన్ బాబు వర్రీ అయిపోతుంటే…ఈ సమయంలో అన్ననే ట్రోల్ చేస్తావా అని మరో నెటిజన్ కామెంట్ చేశాడు.
Me in today exam hall (3hrs)
After seeing paper https://t.co/rlUMf1vR07
— ☮️???? (@Saiteja253) December 1, 2022
