టీడీపీ జాతీయ ప్రధాన కార్యదర్శి నారా లోకేష్ 2024 సార్వత్రిక ఎన్నికలకు ముందే రాష్ట్రమంతటా కలియదిరిగేలా పాదయాత్ర చేపట్టిన సంగతి తెలిసిందే. ఏపీలోని 175 నియోజకవర్గాల్లో జనవరి 27 నుంచి 400 రోజుల పాటు ఏకధాటిగా సాగేలా పాదయాత్రను లోకేష్ మొదలుబెట్టారు. ప్రతి నియోజకవర్గంలో 3 లేదా 4 రోజులు పాదయాత్ర సాగుతూ, ప్రతి నియోజకవర్గంలో ఒక బహిరంగ సభ పెడుతూ లోకేష్ దూసుకుపోతున్నారు. మొత్తం 4 వేల కిలోమీటర్ల మేర పాదయాత్ర సాగనుంది. తన తల్లిదండ్రులు, అత్తమామల ఆశీర్వాదం తీసుకున్న లోకేష్…కు భార్య బ్రాహ్మణి…పల్నాటి యుద్ధానికి వెళుతున్న బాల చంద్రుడికి వీర తిలకం దిద్ది పంపారు.
ఈ క్రమంలోనే కుటుంబ సభ్యులు, టీడీపీ కార్యకర్తలు, ప్రజల ఆశీస్సులతో లోకేష్ విజయవంతంగా 200 రోజుల పాదయాత్రను దిగ్విజయంగా పూర్తి చేశారు. 400 రోజుల్లో 4 వేల కిలోమీటర్లు టార్గెట్ గా లోకేష్ పాదయాత్ర చేస్తున్నారు. అయితే, రోజుకు సగటున 13.5 కిలోమీటర్లు నడుస్తున్న లోకేష్ నిర్ణీత గడువు కంటే ముందే పాదయాత్ర ముగించేలా కనిపిస్తోంది. ఒకట్రెండు రోజులు కోర్టు పనులు, కుటుంబపరమైన కారణాలు మినహా ఒక్కరోజు కూడా పాదయాత్రకు లోకేష్ విరామం ప్రకటించలేదు.
ఈ క్రమంలోనే అసలు ఇప్పటివరకు లోకేష్ 200 రోజుల పాదయాత్ర ఏ విధంగా సాగింది అన్న అంశాలతో ప్రత్యేక కథనం.
ఆగస్టు 31తో లోకేష్ పాదయాత్రకు 200 రోజులు పూర్తి
77 అసెంబ్లీ నియోజకవర్గాల్లో 2,710 కిలోమీటర్లు నడిచిన లోకేశ్
185 మున్సిపాలిటీలు, మండలాలు, 1675 గ్రామాల మీదుగా యువగళం పాదయాత్ర
రాయలసీమలో 124 రోజుల పాటు 44 అసెంబ్లీ నియోజకవర్గాల మీదుగా 1,587 కి.మీ మేర పాదయాత్ర
ఇప్పటిదాకా 64 బహిరంగ సభల్లో పాల్గొన్న లోకేశ్… 132 ముఖాముఖి సమావేశాల నిర్వహణ…
8 రచ్చబండ సమావేశాలు, 10 ప్రత్యేక కార్యక్రమాల్లో పాల్గొన్న వైనం
ఉమ్మడి కృష్ణా జిల్లాలో వేకువ జాము 3.30 గంటల వరకు పాదయాత్ర కొనసాగించడం హైలైట్
పాదయాత్ర సందర్భంగా లోకేశ్ పై పలు కేసులు నమోదు
నిత్యం లోకేశ్ ను కలిసేందుకు క్యాంప్ సైట్ల వద్దకు భారీగా జనం
నెల్లూరులో అత్యధికంగా ఒక్కరోజులో 2,500 మందితో లోకేశ్ సెల్ఫీలు
యువగళం పాదయాత్రలో ఆధునిక టెక్నాలజీ వినియోగం…
లోకేశ్ తో సెల్ఫీలు దిగిన వారి ఫొటోలను స్కాన్ చేయించి, ఫేస్ రికగ్నిషన్ టెక్నాలజీ ద్వారా వారి ఫోన్లకే పంపించే ఏర్పాటు.
జులై 27న ఒంగోలు రవిప్రియ మాల్ వద్ద నిర్వహించిన జయహో బీసీ కార్యక్రమానికి విశేష స్పందన
జులై 3న నెల్లూరు అనిల్ గార్డెన్స్ లో మహాశక్తితో లోకేశ్ పేరిట మహిళలతో నిర్వహించిన సమావేశానికి అనూహ్య స్పందన
ఫిబ్రవరి 2న తిరుపతిలో యువతతో నిర్వహించిన హలో లోకేశ్ కార్యక్రమానికి భారీగా తరలివచ్చిన యువతీయువకులు
ఏప్రిల్ 8న అనంతపురం జిల్లా శింగనమలలో నిర్వహించిన రైతన్నతో లోకేశ్ కార్యక్రమానికి భారీగా విచ్చేసిన రైతులు
వినూత్న రీతిలో లోకేశ్ సెల్ఫీ చాలెంజ్
జిల్లాలవారీగా ఎన్ని కిలోమీటర్లు, ఎన్ని రోజులు పాదయాత్ర చేశారు?
1. చిత్తూరు- 14 నియోజకవర్గాల్లో 577 కిలోమీటర్లు- 45 రోజులు
2. అనంతపురం- 9 నియోజకవర్గాల్లో 303 కిలోమీటర్లు- 23 రోజులు
3. కర్నూలు- 14 నియోజకవర్గాల్లో 507 కిలోమీటర్లు- 40 రోజులు
4. కడప- 7 నియోజకవర్గాల్లో 200 కిలోమీటర్లు- 16 రోజులు
5. నెల్లూరు- 10 నియోజకవర్గాల్లో 459 కిలోమీటర్లు- 31 రోజులు
6. ప్రకాశం- 8 నియోజకవర్గాల్లో 220 కిలోమీటర్లు- 17 రోజులు
7. గుంటూరు- 7 నియోజకవర్గాల్లో 236 కిలోమీటర్లు- 16 రోజులు
8. కృష్ణా జిల్లా- 6 నియోజకవర్గాల్లో 113 కిలోమీటర్లు- 8 రోజులు
9. పశ్చిమ గోదావరి జిల్లా- 2 నియోజకవర్గాల్లో 4 రోజుల పాటు పాదయాత్ర
