YSRCPలో యువ ఎమ్మెల్యేలకు కొదవలేదు. అలాంటి యువకుల్లో ఎమ్మెల్యే గుడివాడ అమర్‌నాథ్ ఒకరు. తనకు నచ్చిన అమ్మాయి సంబంధమే అనుకోకుండా తనకు రావడంతో ఆనందంతో ఆమెను పెళ్లాడారు.
2013లో వీరి పెళ్లి జరిగింది. 2019లో అతను ఎమ్మెల్యే అయ్యారు. సాధారణంగా రాజకీయ నాయకులు ఇంట్లో వాళ్లకోసం చాలా సంపాదిస్తారు గాని ఇంట్లో వాళ్లతో మాత్రం ఉండరు. ఆ రాజకీయమే అంత.
ఈ నేపథ్యంలో ఒక యుట్యూబ్ ఛానెల్ లో అమర్ నాథ్ ను ఆయన భార్యే ఇంటర్వ్యూ చేసింది. ఈ సందర్భంగా పలు ఆసక్తికరమైన విషయాలు వెల్లడించారు అమర్ నాథ్.
భార్య హిమ గౌరి ను పెళ్లికి ముందే చూశారట ఎమ్మెల్యే అమర్ నాథ్. అలాంటి ఆమెను పెళ్లాడాలి అనుకున్నాడు. అనుకోకుండా ఆమె సంబంధమే వచ్చిందని చెప్పాడు.
ఈ ఇంటర్వూలో భార్యకు లైవ్ లో ప్రపోజ్ చేశారు. ఇద్దరు దంపతులు చూడముచ్చటగా ఉన్నారు.
ఇంట్లో వారికోసమే కరోనా వచ్చిందని, ఇంట్లో వారితో గడపగలిగాం అని ఈ సందర్భంగా ఎమ్మెల్యే అన్నారు. మా ఆవిడ చాలా వంటలు చేస్తుంది గాని ఆమె చేసే మటన్ బిర్యానీ అంటే తనకెంతో ఇష్టమని చెప్పారు అమర్ నాథ్.
కొన్ని వినోదభరితమైన క్షణాలు ఈ వీడియోలో ఆకట్టుకున్నాయి. పుష్ప సినిమాలోని సామీ సామీ పాటకు ఇద్దరు కలిసి డ్యాన్స్ చేశారు. విపులంగా భార్యభర్తల సరదా క్షణాలు మీరు చూడండి.
