ముఖ్యమంత్రి వై.ఎస్. జగన్ విశాఖపట్నంను రాష్ట్ర రాజధానిగా ఫిక్సయిపోయినట్లు మరోసారి నిరూపించే ప్రయత్నం చేశారు. ప్రస్తుత జిల్లాల పునర్నిర్మాణంలో, ముఖ్యంగా విశాఖపట్నం జిల్లా పునర్విభజన లో ఇది స్పష్టంగా కనిపించింది. తన వ్యూహంలో భాగంగానే అతను విశాఖ అధికార పరిధిని తగ్గించాడు అనుకోవచ్చు. రేపు రేపు ఏ నిర్ణయాలకు అడ్డు రాకుండా విశాఖ నుంచి పారిశ్రామిక క్లస్టర్ ను, గిరిజన బెల్ట్‌ను వేరు చేశాడు. ఇది వ్యూహాత్మక చర్య అని చెబుతున్నారు విశ్లేషకులు.
తాజాగా హైదరాబాద్ జిల్లాలోని గ్రేటర్ హైదరాబాద్ మాదిరిగానే గ్రేటర్ విశాఖపట్నం కూడా ఇప్పుడు విశాఖపట్నం జిల్లాలో భాగమవుతుంది. విశాఖపట్నం అన్ని అంశాలలో రాష్ట్ర రాజధానిగా మారడానికి అర్హత పొందేలా జిల్లాను కూర్చారు. కాస్మోపాలిటన్ సంస్కృతి, తక్కువ స్థలం, అధిక మానవ సాంద్రతతో ఉండేలా రూపొందించారు. ఒకవైపు సీఆర్డీఏను విడగొట్టి అమరావతిని చిన్నగా చేసిన జగన్ రెడ్డి తాజాగా విశాఖ విషయంలో దానికి విరుద్ధంగా ప్రవర్తిస్తున్నారు.
విశాఖపట్నం ప్రత్యేక ఆర్థిక మండలి పరిధిలోని ఫార్మాస్యూటికల్ యూనిట్లు మరియు ఇతర పరిశ్రమలతో సహా దాదాపు అన్ని పరిశ్రమలు భవిష్యత్తులో అనకాపల్లి జిల్లాలో భాగమవుతాయి. అంతేకాదు, తూర్పు నౌకాదళ కమాండ్‌లోని కొన్ని భాగాలు కూడా అనకాపల్లి జిల్లాకు వెళ్తాయి.
పాడేరు మరియు అరకుతో సహా 11 ఏజెన్సీ మండలాల మొత్తం ఏజెన్సీ పరిధిని కూడా వేరు చేసి మరొక కొత్త జిల్లా – అల్లూరి సీతారామరాజుకు మార్చనున్నారు.
“కొత్తగా ఏర్పాటుచేయబోయే విశాఖపట్నంలో హెచ్‌పిసిఎల్, విశాఖ రిఫైనరీ మరియు వైజాగ్ స్టీల్ ప్లాంట్ వంటి కొన్ని పిఎస్‌యులు తప్ప పరిశ్రమలు లేవు. అయితే ఐటీ సెజ్ పూర్తిగా వైజాగ్ అధీనంలో ఉంటుంది. టూరిజం మరియు ఐటి దాని వృద్ధికి రెండు థ్రస్ట్ ప్రాంతాలుగా ఉంటాయి, ” అని అధికారులు చెబుతున్నారు.
దాదాపు 80 శాతం ఐటీ కంపెనీలు, 50 శాతం టూరిజం యూనిట్లు విశాఖ నగరం పరిధిలోకి వస్తాయి. కొత్త విశాఖపట్నం జిల్లా వైశాల్యం 928 చ.కి.మీ. ప్రస్తుతం జివిఎంసి వైశాల్యం 682 చ.కి.మీ. జివిఎంసిలోని మొత్తం 98 వార్డుల్లో దాదాపు 10 వార్డులు కొత్త అనకాపల్లి జిల్లా పరిధిలోకి వస్తాయి.
పద్మనాభం మినహా, భీమిలి పరిధిలోని కొన్ని గ్రామాలు ప్రస్తుతం జివిఎంసిలో భాగం కాదు. కాకపోతే, ప్రతిపాదిత విశాఖపట్నం జిల్లా జివిఎంసి అధికార పరిధిని దాదాపు మొత్తం కవర్ చేస్తుంది. ప్రస్తుతానికి, మా వైపు నుండి లేవనెత్తడానికి మాకు ఎటువంటి అభ్యంతరం లేదు జీవీఎంసీ అధికారులు చెబుతున్నారు. మొత్తానికి జగన్ ఏం చేసినా నిరభ్యంతరంగా ఊ అనేలా అధికార యంత్రాంగాన్ని సీఎం జగన్ రెడ్డి వ్యూహాత్మకంగా సిద్ధం చేసుకున్నట్లు అర్థమైపోతుంది.
అయితే ఎన్ని చేసినా… మూడు రాజధానుల అంశానికి ప్రజామోదం లేదు, రాజ్యాంగ పరిధిలోను నిలబడదు. మరో రెండేళ్లు ప్రయత్నాలు చేసుకుంటూ పోతే ఆ తర్వాత కథ ఆ దేవుడు, ఓటరు దేవుడు కలిసి చూసుకుంటారు.
