వైసీపీ కీల‌క నాయ‌కురాలు.. మంత్రి విడ‌ద‌ల ర‌జ‌నీ.. ఇటీవ‌ల కాలంలో ఫైర్ బ్రండ్ అవుతున్నారు. విప‌క్షాల పై తీవ్ర విమ‌ర్శ‌లు చేస్తున్నారు. అస‌మ‌యంలో త‌న‌కు మంత్రి ప‌ద‌వి ఇచ్చిన సీఎం జ‌గ‌న్‌పైస్వామి భ‌క్తి చాటుకుంటున్నారు. దీంతో ఆమె పెద్ద ఎత్తున ప్ర‌క‌ట‌నలు చేస్తున్నారు. “మ‌ళ్లీ జ‌గ‌నే రావాలి.. మ‌ళ్లీ మ‌ళ్లీ సీఎం కావాలి“ అంటూ.. ఇటీవ‌ల జ‌రిగిన ఓ స‌భ‌లో ఆమె ఆవేశంగా ప్ర‌క‌ట‌నలు చేశారు.
అయితే.. ఈ ప్ర‌క‌ట‌న‌ల‌పై.. తీవ్ర‌స్తాయిలో ట్రోల్స్ వ‌స్తున్నాయి. మ‌ళ్లీ జ‌గ‌నే రావాలి.. అంటూ.. మంత్రి విడ‌ద‌ల ర‌జ‌నీ చేసిన ప్ర‌క‌ట‌న‌కు.. ఎందుకు అడుక్కు తిన‌డానికా? అంటూ.. ఓ సినిమాలో నాజ‌ర్ చేసిన కామెంట్‌తో నెటిజ‌న్లు ట్రోల్ చేశారు. మ‌రో డైలాగ్‌.. మ‌ళ్లీ మ‌ళ్లీ జ‌గ‌నే సీఎం కావాలి అంటూ ర‌జ‌నీ చేసిన డైలాగుపై.. ఓ సినిమాలో 30 ఇయ‌ర్స్ ఇండ‌స్ట్రీ పృథ్వీ రాజ్ చేసిన కామెంట్‌.. `అవ‌ద‌మ్మా!` అనే డైలాగ్‌ను జోడించారు.
మొత్తానికి ప్ర‌స్తుతం ఈ ట్రోల్స్ విప‌రీతంగా ఆక‌ట్టుకుంటున్నాయి. జోరుగా వైర‌ల్ కూడా అవుతున్నాయి. ఇదిలావుంటే, విడ‌ద‌ల ర‌జ‌నీ గురించి ఎప్పుడు ఎవ‌రు మాట్లాడాల‌ని అనుకున్నా.. ఆమె 2019 ఎన్నిక‌ల‌కు ముందు చిల‌క‌లూరి పేట‌లో టీడీపీ అధినేత , అప్ప‌టి సీఎం చంద్ర‌బాబు పాల్గొన్న స‌భ‌లో ఆమె చేసిన డైలాగులు గుర్తుకు వ‌స్తాయి.
“ఐటీ అంటే.. చంద్ర‌బాబు, చంద్ర‌బాబు అంటే ఐటీ. ఆయ‌న వ‌ల్లే తాను సాఫ్ట్‌వేర్ ఇంజ‌నీర్ అయ్యాయ‌ని.. ఆయ‌న‌వ‌ల్లే.. అమెరికా వెళ్లాన‌ని ఉద్యోగం సంపాయించుకున్నాన‌ని.. ఆయ‌న మ‌హానుభావుడ‌ని“ అప్ప‌ట్లో పొగ‌డ్త‌ల వ‌ర్షం కురిపించారు. మ‌ళ్లీ వైసీపీలోకి వ‌చ్చిన త‌ర్వాత.. ఇక్క‌డ పాట పాడుతున్నారు. మొత్తానికి విడ‌ద‌ల ర‌జ‌నీ ఏ ఎండ‌కు ఆ గొడుగు బాగానే ప‌డుతున్నార‌ని నెటిజ‌న్లు కామెంట్లు చేస్తుండ‌డం గ‌మ‌నార్హం.
